Gajmañaaʼ marataráʼa májánʼ: Atañíinʼ xúgínʼ xa̱bu̱ bi̱ kuwa náa naratáraʼa

NDÍJKHA RÍ GÍʼDOO WÉÑUʼ NUMUU: Zacarías niʼtáriyaʼ rí xa̱bu̱ “bi̱ nuthi xúgíʼ ajngáa náa xuajin mba̱ʼu̱” mudxawíín ajngáa májánʼ (Zac 8:23). Mú, tsíin gúsngún xá. (Ro 10:13-15). Gíʼmaa muʼsngúún xa̱bu̱ bi̱ kuwa náa kuwaanʼlú ajngáa rí májánʼ (od-S ináa 84 kutriga̱ 10, 11).

XÚ KÁʼNII GÚʼNI:

• Atani̱rataminaʼ. Lá nitaxkámii xa̱bu̱ bi̱ nuthi i̱ʼwáʼ ajngáa ráʼ. Gajmaaʼ aplicación JW Language mu majmañaaʼ mbá presentación chíʼgíʼ. Ma̱ngaa ma̱ndoo majmaʼ celular ndrígáʼ mu matasnga̱jmáá xa̱bu̱ xú káʼnii ma̱ndoo mbaʼyoo itháan náa ajngóo náa jw.org.

• Atiexi. Á mu naratáraʼa mámbá guʼwá, atani xúgíʼ rí nandoo mu marataráʼa. Arathún bi̱ nagún kamba̱a̱ ga̱jma̱a̱ nuraʼthiin carro. Índo̱ gárata náa kuwa mbaʼin xa̱bu̱, atagíminaʼ marata̱.

• Atani tsumáá. Xakanajkhaʼ. Atagíminaʼ mataxkámiin bi̱ nda̱wi̱i̱n náa guʼwún. Atagíminaʼ maratha̱a̱n mbáa náa mámbá guʼwá i̱mba̱ mbiʼi o xmáná. Mbáa tikhun xa̱bu̱ mbaʼyóoʼ marathu̱u̱n ga̱jma̱a̱ carta, teléfono o náa kamba̱a̱.

• Aratáminaʼ má xúʼko̱ gajmaaʼ xa̱bu̱. Atanga̱án nacha̱ mu xa̱bu̱ maniguuʼ. Á mu xa̱bu̱ naʼthí imbo̱ʼ ajngáa, atayáaʼ imba̱a̱ publicador mu ma̱ndoo mambáyúu. Mú ayuʼ gáta̱ya̱a̱ má xúʼko̱ asndu índo̱ bi̱ nuthi i̱ʼwáʼ ajngáa magún guyáá (od-S ináa 93, 94 kutriga̱ 39, 40).

ATAYÁÁ VIDEO GUʼTÁRAʼA “ASNDU NÁA ITHÁAN MITSÍNGUÁNʼ” GA̱JMA̱A̱ NDA̱WA̱Á ATRIʼÑA̱A̱ GRAXE̱ RÍGI̱:

• 

  Xú káʼnii niniratamijná a̱ngiu̱lú mu mutamijná gajmiún xa̱bu̱ bi̱ kuwa tsínguánʼ rá. (1Co 9:22, 23).

• 

  Xú káʼnii gaʼkhu ndiyóoʼ muraʼníí xá.

• 

  Xú káʼnii niguma tsajkurámiinʼ xá.

• Xú káʼnii gándoo marathu̱u̱n itháan xa̱bu̱ náa naratáraʼa rá.