Pablo na̱jkha̱ Roma

27:23, 24; 28:1, 2, 16, 17

Pablo nditháan tániñuuʼ raʼtáraʼa, niʼtáraʼa asndu índo̱ nixtáa náa guʼwá e̱jua̱nʼ. Índo̱ xtáa ra̱jkha̱ náa Roma, niʼtáruʼun bi̱ na̱jkha̱ gajmíi̱n náa barco. Nda̱wa̱á rí barco nirmáʼáan náa mijngii Malta, ikhaa niʼtáruʼun ajngáa rí májánʼ ga̱jma̱a̱ numuu Reino xa̱bu̱ bi̱ niʼni thanún. Ajtsú mbiʼi nda̱wa̱á rí ni̱jkha̱nú Roma nigímbíin xa̱bu̱ judíos bi̱ guáʼdáá numún mu maʼtáruʼun. Ga̱jma̱a̱ a̱jma̱ tsiguʼ rí ndijyúuʼ náa guʼwá e̱jua̱nʼ, niʼtáruʼun xúgínʼ bi̱ nigún guyáá.

Ndiéjunʼ gándoo matani ikháán mu marataráʼa itháan maski ajndu naʼniaʼ mingíjyúuʼ ráʼ.