“Pablo nixnáa núma̱aʼ Dios ga̱jma̱a̱ ndiyáa tsiakii”

Índo̱ a̱ngiu̱lú bi̱ kuwa náa congregación ndrígóo Roma ndiyáá rí Pablo xtáa ra̱ʼkha̱ kamba̱a̱, tikhun rí ikhiin nigún itháán rí mbá 64 kilómetros mu muraʼníí. Xú kaʼnii nikumu̱u̱ Pablo índo̱ ndiʼyoo rígi̱ rá. Índo̱ ndiʼñún “nixnáa numaaʼ Dios ga̱jma̱a̱ ndiyáa tsiakii” (Hch 28:15). Maski má Pablo nindxu̱u̱ bi̱ naxnún tsiakii congregación, mu mbiʼi rígi̱ ikhaa ndiyóoʼ rí makháná tsiakii numuu rí xtáa náa guʼwá e̱jua̱nʼ (2Co 13:10).

Rí mbiʼi xúgi̱, bi̱ ni̱ndxu̱ún superintendentes ndrígóo circuito nagún náa congregación mu muxnún tsiakii a̱ngiu̱lú. Xó má naguáʼníín ikháanʼ xúʼko̱ má ikhiin ma̱ngaa naʼni néʼngu̱u̱n, naxmiéjunʼ, ndañúunʼ tsiakii. Ndiéjunʼ gándoo muʼni mu muxnáá tsiakii circuito ga̱jma̱a̱ a̱ʼgiu̱u̱ ga̱jma̱a̱ xúʼko̱ ma̱ndoo maʼni rí “muxnamíjná tsiakii” índo̱ gáguwáʼ guyuluʼ xá. (Ro 1:11, 12).

• 

  Muyambáá náa miʼtáraʼa. Superintendente ndrígóo circuito ndayáa tsiakii índo̱ ndaʼyoo tsiakii rí nuʼni mu magajnuluʼ gúʼtaraʼa xmáná kiejunʼ rúʼko̱ (1Te 1:2, 3; 2:20). Ataniminaʼ matani precursor auxiliar índo̱ narígá visita. Ma̱ndoo matríyaʼ awan mu magajnáa gárataráʼa o mi̱dxu̱ʼ gátani mbá estudio ga̱jma̱ʼ circuito o a̱ʼgiu̱u̱. Xatatsaʼwamínáʼ rí ikháán xándoo matani numuu rí ndiʼkhú nitagíʼdi̱i̱ raratáraʼa o tséjmáán gárataráʼa májánʼ. Ikhiin nanigu̱nʼ magajnún gajmiún xúgínʼ publicadores bi̱ kuwa náa congregación.

• 

  Maraxna rí xtaʼdáá. Lá ma̱ndoo mundrígúun náa guʼulúʼ o muʼthúún rí maguwáʼ guphiʼtsu xáʼ. Xúʼko̱ ma̱ndoo musngajmá rí nandulú kuʼñúún. Ma̱ngaa ikhiin tseguáʼti̱i̱n makhánun rí májánʼ wéñuʼ (Lu 10:38-42).

• 

  Mudxawíín xtágabu ndrígóo ga̱jma̱a̱ muʼgíʼ muʼni. Superintendente ndrígóo circuito numbayúlú ga̱jma̱a̱ ngajua mu muʼni itháán májánʼ ñajunʼ Jeobá. Mbáa nguáná muxnulu xtágabu (1Co 5:1-5). Á mu nuʼnimbulúʼ ga̱jma̱a̱ nuʼgíʼ nuʼni rí nuthi ikhiin, muni ñajunʼ ndrígu̱ún ga̱jma̱a̱ gagi (Heb 13:17).

• 

  Muxníin núma̱aʼ. Aratháán superintendente ndrígóo circuito ga̱jma̱a̱ a̱ʼgiu̱u̱ dí ra̱ʼkhá tháán nixnáʼ tsiakii rí nini ga̱jma̱a̱ numaaʼ. Ma̱ndoo marathan índo̱ natayáá, náa mbá tarjeta o náa mbá nota (Col 3:15).