Dí nigumawíi nambáyulúʼ mbuʼyáá rí Jeobá najmañuu wéñuuʼ

Jeobá ndaʼyoo ndiéjunʼ dí májánʼ rí ma̱ndoo mambáyulú. Á mu ikháanʼ mangáánʼ nduʼyáá xúʼko̱, rúʼko̱ gáʼni dí manindxu̱lú mbáa bi̱ najmañuu ga̱jma̱a̱ muniʼñámíjná dí Jeobá maxná ikhulú (Pr 16:3, 9). Mbáa maʼniulú mingíjyúuʼ muʼnimbaníí consejo ndrígóo á mu mixtiʼkhu xóo nundxaʼwamíjná. Ma̱ndoo makumulúʼ kuʼyáá itháan rí najmañuu Jeobá á mu nundxaʼwamíjná náa dí niʼniwíi (Pr 30:24, 25; Ro 1:20).

NDA̱WA̱Á RÍ NITAYÁÁ VIDEO LÁ XTÁA TSÁA NIʼNII XÁʼ. NDÍJKHA RÍ AJKUÁAN NAGÚN DÍ ASNDU TSÉRUWAMIJNÁ RÁ. ATRIʼÑA̱A̱ GRAXE̱ RÍGI:

• Ndiéjunʼ dí nuni̱ ajkuáan xúgíʼ mbiʼi rá.

• Xú káʼnii eni̱ ajkuáan rí asndu tséruwamijná índo̱ nagún rá.

• Ndiéjunʼ gándoo gájmañún xa̱bu̱ numbaaʼ rí xóo nagún ajkuáan rá.

NDA̱WA̱Á RÍ NITAYÁÁ VIDEO LÁ XTÁA TSÁA NIʼNII XÁʼ. XÓO EʼNI A̱ʼMA IYAʼ, ATRIʼÑA̱A̱ GRAXE̱ RÍGI:

• Ndíjkha rí naʼni mingíjyúuʼ maʼga̱ rijma̱a̱ mbá avión chíʼgíiʼ rá.

• Xú káʼnii eʼni mbáa a̱ʼma iyaʼ maʼga̱ májánʼ rá.

• Ndiéjunʼ gándoo gajmañulú rí xóo naʼni a̱ʼma iyaʼ rá.

Índo̱ natayáá dí nigumawíi, ndiéjunʼ rí naʼni ma̱ta̱ya̱a̱ dí xóo Jeobá ra̱ʼkhá tháán najmañuu rá.