Gajmaaʼ libro ¡Araxtaa gagi kámuu mbiʼi! mu matani̱ gújkhúʼ fe ndrígu̱ún eʼwíinʼ náa Jeobá ga̱jma̱a̱ náa Jesús

Bi̱ nunigajma̱a̱ Biblia ndayóoʼ maguaʼdáá mbá fe gújkhúʼ mú xúʼko̱ muni̱ rí nandoo Jeobá (Heb 11:6). Libro ¡Araxtaa gagi kámuu mbiʼi!, nambáyulú muʼgua̱nú asndu náa a̱jkiu̱ún xa̱bu̱. Kagu̱ texto rí itháan nagájnuriyo̱o̱ʼ, na̱nguá mingíjyúuʼ makrua̱ʼa̱a̱ʼ, na̱ʼkha̱ graxe̱ dí nañambáá, kagu̱ xtiʼkhuu mitsaanʼ ga̱jma̱a̱ videos. Á mu numbáñúlú bi̱ nuʼsngúún ga̱jma̱a̱ Biblia mambaxúún gajmiún Jeobá ga̱jma̱a̱ rí maguáʼdáá cualidad xóo mbáa cristiano, mu̱ʼni̱ rí fe ndrígu̱ún maʼni gújkhúʼ rí maʼngo̱o̱ maraʼnuu asndu xkáʼnii má xkujndu (1Co 3:12-15).

Tikhun xa̱bu̱ nakumu̱ún rí xándoo mambaxúún gajmiún Dios numuu rí tséyáá. Ikha jngóo ikháanʼ ndayóoʼ mumbáñún muniʼniiʼ Jeobá ga̱jma̱a̱ maku̱mu̱ún kuyáá ikhaa.

NDA̱WA̱Á RÍ NITAYÁÁ VIDEO ATANI GUJKHUʼ FE NDRÍGU̱ÚN EʼWÍINʼ NÁA JEOBÁ GA̱JMA̱A̱ LIBRO “ARAXTAA GAGI KÁMUU MBIʼI”, ATRIʼÑA̱A̱ GRAXE̱ RÍGI̱:

• Xú káʼnii eʼyáá rí ndxájulú niʼni rataminaʼ májánʼ mu maʼsngáa rá.

• Xú káʼnii graxe̱ niʼni ndxájulú mu bi̱ naʼsngóo maʼthí rí niguxnuu náa Isaías 41:10, 13 rá.

• Xú káʼnii nimbáyúu video ga̱jma̱a̱ rí naʼthí náa Biblia bi̱ naʼni gájmaa rá.

Mbaʼiin xa̱bu̱ tsékru̱ʼu̱u̱n ndiéjuunʼ nindxu̱u̱ rí nijuiʼtsiwáánʼ ga̱jma̱a̱ tséyáá dí rúʼko̱ nindxu̱u̱ mbá regalo rí Dios nixnúlú (Gál 2:20). Ikha jngóo ndayóoʼ mumbaʼñún maguaʼdáá fe náa tsigijñaʼ ndrígóo Jesús.

NDA̱WA̱Á RÍ NITAYÁÁ VIDEO ATANI GUJKHUʼ FE NDRÍGU̱ÚN EʼWÍINʼ NÁA JESÚS GA̱JMA̱A̱ LIBRO “ARAXTAA GAGI KÁMUU MBIʼI”, ATRIʼÑA̱A̱ GRAXE̱ RÍGI̱:

• Xú káʼnii eʼyáá rí ndxájulú niʼni rataminaʼ májánʼ mu maʼsngáa rá.

• Xú káʼnii nijmuu náa naʼthí “Atayáá itháan” mu mambáyúu bi̱ naʼsngóo xá.

• Náá numuu rí bi̱ najuiʼsngáá ndaʼyoo rí gíʼdoo wéñuuʼ numuu rí maʼtájkháan rá.