Atraʼwíi májánʼ bi̱ mbi̱ya̱a̱

Salomón tándxa̱ʼwáminaʼ májánʼ índo̱ nigui̱i̱n gu̱ʼu̱ bi̱ nduyamajkhún dios bi̱ ragájkhun (1Re 11:1, 2; w18.07 18 kutriga̱ 7).

Gu̱ʼwi̱i̱ Salomón nini dí mañu mañúú maniñuuʼ raʼyamajkhuu Jeobá mu xúʼko̱ mbaʼyamajkún eʼwíinʼ dios (1Re 11:3-6; w19.01 15 kutriga̱ 6).

Jeobá nikiʼnáa kaʼyoo Salomón (1Re 11:9, 10; w18.07 18 kutriga̱ 9).

Náa Biblia naxnúún consejo rígi̱ bi̱ xóó tsédamijná á mu nunigu̱nʼ o nunuju̱nʼ ‹gu̱ya̱a̱ bi̱ naʼni ñajuunʼ Tátá› (1Co 7:39). Á mu nijngúun má iyááʼ, rúʼko̱ na̱nguá eyoo gáʼthúu̱n dí mani̱ndxu̱u̱ májáanʼ xa̱biya̱ o a̱ʼgu̱. Atrajxi̱mínáʼ rígi̱: “Lá mambáyuʼ mu mani ñajuunʼ Jeobá ga̱jma̱a̱ xúgíʼ a̱jkiu̱nʼ ráʼ. Mbayuuʼ má xtáa rasngájma dí gajkhun nandoo kaʼyoo Jeobá xáʼ.” Nákha xóó tsératháán dí mbi̱ya̱a̱, atríyaʼ mbiʼi mu matatsiʼníiʼ májánʼ xa̱bu̱ buʼko̱.