Gajmaaʼ referencias marginales

Índo̱ gátra̱xnuu Biblia náa ajngáa xtílóo Traducción del Nuevo Mundo, matayaa dí rígá tikhu ajngáa náa tima letra majkhaʼ, rígi̱ nindxu̱u̱ mbá referencia marginal, nandoo gáʼthúu̱n dí rígá i̱ʼwáʼ versículo náa na̱ʼkha̱ raʼthí itháan ga̱jma̱a̱ numuu rígi̱. Mbá referencia marginal nambáyulú mbuʼyáá dí rígá tikhu texto dí nambríguíiʼ xóo e̱ʼkha̱ raʼthí ga̱jma̱a̱ i̱ʼwáʼ texto ndrígóo Biblia. Á mu najmaaʼ Biblia náa i̱yi̱i̱ʼ ma̱ndoo matayaa dí referencias marginales, rí kaʼyoo mámbá letra tima náa columna dí kama náa ta̱pho̱o̱ mámbáa ináa. Á mu natraxnuu Biblia náa jw.org o náa aplicación JW Library^® i̱ndó ataxujmbi̱i̱ náa letra mu matayaa i̱ʼwáʼ texto dí na̱ʼkha̱ raʼthí ga̱jma̱a̱ numuu dí xtaa ratraxnuu.

Ndiéjunʼ e̱ʼkha̱ náa referencia marginal rá. Guʼyáá tikhu xkri̱da:

Referencia marginal mambáyáaʼ mataxkamaa i̱ʼwáʼ texto náa na̱ʼkha̱ raʼthí ikha̱á ma dí nirígá. Mbá xkri̱da, náa 2 Samuel 24:1 rígá mbá referencia xóo rígi̱ dí na̱jkha̱ kañáán náa 1 Crónicas 21:1.

Referencia marginal mambáyáaʼ matayaa náa ni̱ʼkha̱ raʼthí ginii ajngáa rí xtaa ratraxnuu. Mbá xkri̱da á mu natraxnuu Mateo 4:​4, matayaa dí rígá mbá referencia dí na̱jkha̱ kañáán náa Deuteronomio 8:3.

Referencia marginal mambáyáaʼ matayaa xóo nimbánuu mbá profecía dí xtaa ratraxnuu. Mbá xkri̱da, atayáá Zacarías 9:9 ga̱jma̱a̱ Mateo 21:5.