Lá ni̱ndxu̱ún cristianos bi̱ nutaraʼa numuu Jeobá ráʼ.

Xúʼko̱ kaʼnii. Gi̱jyooʼ na̱ʼkha̱ tikhuu rí nasngájma rí xúʼko̱ nindxu̱u̱:

• Nuʼgíʼ nunixu xó má niʼni Jesucristo ga̱jma̱a̱ nakuwaanʼ xó má niʼsngáa ikhaa (1 Pedro 2:21).

• Nakumuxu rí Jesús ma̱ndoo maʼni káwáanʼ, “numu ri nda mbi’yu imba na’ ago miku ri nijanu xabo, ri mago ma’nejahuiñalo” (Hechos 4:12).

• Índo̱ nani̱ndxu̱lú xa̱bi̱i̱ Jeobá, ikhú najngúlú iyááʼ ga̱jma̱a̱ mbiʼyuu Jesús (Mateo 28:18, 19).

• Ga̱jma̱a̱ mbiʼyuu Jesús (Juan 15:16).

• Nakumuxu rí Jesús kayá edxu̱u̱ náa xa̱bekha (1 Corintios 11:3).

Mú, rígá rí naʼni makujmáanʼ mixtiʼkuáanʼ náa iʼwíínʼ xa̱bu̱ bi̱ nuthi rí ni̱ndxu̱ún cristianos. Mbá xkri̱da, nikru̱ʼu̱lú rí náa Biblia naʼsngáa rí Jesús nindxu̱u̱ A̱ʼdióo Dios ga̱jma̱a̱ rí na̱nguá nindxu̱u̱ Trinidad (Marcos 12:29). Ma̱ngaa, na̱nguá enimbuxu rí alma tsikháñuu ga̱jma̱a̱ rí náa Biblia tséʼthi rí Dios naʼni gíníi xa̱bu̱ náa infierno ma̱ngaa rí xa̱bu̱ ede̱ ragíʼmaa maxnámbiʼiminaʼ xóo mbáa bi̱ gíʼdoo wéñuʼ numuu (Eclesiastés 9:5; Ezequiel 18:4; Mateo 23:8-10).