Lá nduyamajkuíí i̱ʼwáʼ religión bi̱ nutaraʼa numuu Jeobá ráʼ.

Bi̱ nutaráʼaxu numuu Jeobá nunimbániixu xtágabu rígi̱: “Guyamajkhún xúgínʼ xa̱bu̱” (1 Pedro 2:17). Xúʼko̱, nduyamajkhúnxu xúgínʼ xa̱bu̱ asndu xkáʼnii má religión guáʼdáá. Maski asndu náa tikhu xuajen mba̱ʼu̱ kúwi̱i̱n mbaʼin Testigos, nda̱a̱ rí ninixu mu rí políticos o diputados murikháá ñajunʼ ndrígu̱ún i̱ʼwáʼ religión. Ma̱ngaa tséjkuaxu campañas mu magajnúu xtángoo rí mambáyuxuʼ ikháanʼ ga̱jma̱a̱ rí mambáñún eʼwíínʼ xa̱bu̱. Ikha jngó nadxuxu rí xa̱bu̱ mbuyamajkuxu ga̱jma̱a̱ nunimíjna̱ rí mbuyamajkúnxu xúgínʼ xa̱bu̱ (Mateo 7:12).