Mambáa xúgíʼ dí ra̱májánʼ

NDIÉJUNʼ tayáá gi̱i̱ rá. Xúʼko̱, mbá ejército gajmiún wáyú miʼxíin. Mú atayáá náa kuwa raguwáʼ. ¡Wáyú naguájtaa ragañun náa du̱u̱n dí rígá mekhuíí! Lá kúwi̱i̱n wáyú mekhuíí rá.

Na̱nguá̱, raʼkhíin wáyú gajkhun. Nduʼyáá numuu rí wáyú xándoo magañún náa du̱u̱n. Mú náa Biblia naʼthí ga̱jma̱a̱ numún wáyú bi̱ kuwa mekhuíí. Lá natayáá náa numuu ráʼ.

Numuu rí nákha wajyúúʼ nijmiún wéñuʼ wáyú mu magun guxmijná náa guerra. Ikha jngó náa Biblia naʼthí rí tikhun xa̱bu̱ naguájtaa mekhuíí gajmiún wáyú mu musngajma rí Dios maʼni mbá guerra gajmíi̱n xa̱bu̱ bi̱ kuwa náa tsu̱du̱u̱ Ku̱ba̱ʼ. Náa gáʼni rá. Náa Armagedón, ga̱jma̱a̱ maʼni gámbáa xúgíʼ dí ra̱májánʼ dí rígá náa tsu̱du̱u̱ Ku̱ba̱ʼ.

Jesús Nindxu̱u̱ bi̱ maxná ikhaa náa guerra rí nagumbiʼyuu Armagedón. Garmáʼáan a̱jkia̱nʼ rí Jeobá ndiyáaʼ Jesús mu manindxu̱u̱ rey náa Xa̱bu̱ Ñajunʼ Ndrígóo. Ikha jngó rígu corona náa edxu̱u̱ Jesús. Ga̱jma̱a̱ chídí rí kayá nasngájma rí magudíin xúgínʼ xa̱bu̱ bi̱ guáʼdáá sia̱nʼ náa Dios. Lá gíʼmaa maguanúlúʼ tsiánguá rí Dios maʼnigámbíin xúgínʼ xa̱bu̱ bi̱ ra̱míjínʼ ráʼ.

Atayáaʼ náa Historia 10. Ndiéjunʼ tayáá rá. Xúʼko̱, Ruʼwambiiʼ rí niʼni gámbíin xa̱bu̱ bi̱ ra̱míjínʼ. Tsáa niʼni rí maxnúu Ruʼwambiiʼ rá. Jeobá Dios. Rí xúgi̱ atayáaʼ Historia 15. Ndiéjunʼ xtáa rarígá ikhí rá. Jeobá xtáa raʼnigámbáa ga̱jma̱a̱ aguʼ xuajin Sodoma ga̱jma̱a̱ Gomorra.

Anújngáaʼ náa Historia 33. Atayáá ndiéjunʼ kuwa rugiʼniin wáyú ga̱jmaa carro dí najmún mu muni guerra xa̱bu̱ egipcios. Tsáa niʼni rí maguʼwi̱i̱n xa̱bu̱ rá. Jeobá. Niʼni rígi̱ mu mañewu̱u̱n xuajñu. Atayáaʼ náa Historia 76. Ikhí ma̱ta̱ya̱a̱ rí Jeobá niʼni gámbóo xuajñún numuu rí nini dí ra̱májánʼ.

Ikha jngó, ragíʼmaa maguanúlúʼ tsiánguá rí Jeobá makunguiinʼ ejército ndrígóo asndu mekhuíí mu maʼni gámbáa xúgíʼ dí ra̱májánʼ náa tsu̱du̱u̱ Ku̱ba̱ʼ. Ndiéjunʼ gárígá nda̱wa̱á rá. Anújngaʼ náa imba̱ ináa ga̱jma̱a̱ guʼyáá.