Jeobá naxniulúʼ mbáá bí maʼni kawanʼ

29 Timbáá ánkli bí niʼnii Dió mekuíí aʼdá giʼnii nindxu̱u̱ nangua xú mbuʼyaa.

Dió nandoo kaʼyoo wéñuʼ aʼdió. Maʼni rí ikhaa maʼni gambiin xa̱bu̱ bí ra̱míjínʼ, maʼni kawíín bí nunimbu̱u̱n (Juan 3:16, 36).

30 Jeobá nikuʼmaa aʼdió maxtáa náá tsu̱du̱u̱ numbaa. Ikhaa nimbiʼyuu Jesús. Rudúu nimbiʼyuu María (Lucas 1:30-35).

31 Índo̱ Jesús nikhi̱i̱, niʼsngáá mbaʼa rí májánʼ. Niʼsngáá rí mbáwii Jeobá nindxu̱u̱ Dió gajkuwín (Marcos 12:29, 30).

Jesús niʼti rí mbáwii Jeobá giʼmáanʼ buʼyamajkuí (Mateo 4:10; Juan 4:23, 24).

Mangoo Jesús niʼsngun xa̱bu̱ índo̱ gagiʼdu̱u̱ maʼtá ñajunʼ Jeobá (Lucas 17:20, 21).

32 Jesús niʼni tanun bí nakhañun niʼni mbaʼa rí májánʼ. Taʼni rí xkawiiʼ (Hechos 10:38; 1 Pedro 2:21, 22).

Mú, xú káʼnii gaʼni kawanʼ ikhaa ga̱jma̱a̱ aʼkhá jma̱a̱ rí nakhañulúʼ.

33 Mú mandoo makawíín xa̱bu̱ míjínʼ Jesús giʼdo rí maxná tsigijñaʼ náá Dió. Nákhí wajiuʼ Dió niʼtun xa̱bu̱ rí giʼdo muradíín xujkú xóó tsigijñaʼ numúun aʼkhún (Hebreos 7:25, 27).

34 Jesús taxnáriʼín xujkú. Ikhaa nixnáximiná xóó tsigijñaʼ ga̱jma̱a̱ numulúʼ (Mateo 20:28; Hebreos 10:12).

Lá natayaa ikháánʼ náá numuu rí.