Káʼnii lá giʼmáa matani ikháánʼ.

50 Nanda̱ʼ maraxtaa mbáá kámuu náá ku̱ba̱ʼ mitsaan ráʼ.

Ikha jngó ga̱jma̱ñáʼ itáan ga̱jma̱a̱ numuu rí naʼti Dió. Atagi̱ʼ ma̱jma̱ñaʼ ma̱traxnuu Biblia (Juan 17:3; Ri huasjŋgajma Juan 1:3).

51 Ga̱jma̱ñáʼ itáan ga̱jma̱a̱ numuu Jesús (Deuteronomio 18:18, 19; Juan 3:16; Hechos 3:19-23).

52 Atagi̱ʼ matani indió rí májánʼ ga̱jma̱a̱ atatsimbaa rí naʼti Jeobá (Romanos 6:17, 18, 22).

53 Gakumaʼ, Jeobá naʼti dí ragiʼmaa muradíín angiulúʼ (Éxodo 20:13; 1 Juan 3:11, 12).

54 Ragiʼmaa muni kuʼwunʼ eʼwínʼ (Éxodo 20:15; Efesios 4:28).

55 Nimbáá xa̱biya̱ ragiʼmaa maxtáa ga̱jma̱a̱ mbáá a̱ʼgu̱ mabo̱ʼ ga̱jma̱a̱ ámu ra̱ʼkháa ikhaa a̱ʼgiu̱ (Éxodo 20:14, 17; 1 Tesalonicenses 4:3).

56 Nakumaʼ mú Dió niniñunʼ rí xa̱biya̱ magiʼda̱ mbáwii a̱ʼgiu̱ mbíʼín jche̱ʼ. Nguata mbayuʼ giʼmáa mbáá xa̱biya̱ maxtáa ga̱jma̱a̱ a̱ʼgiu̱u̱. (Génesis 2:22, 24; Mateo 19:5, 6; 1 Corintios 7:2, 10, 11.)

57 Gakumaʼ, mangoo, rí indió Jeobá giʼmáanʼ mbuʼyamajkuí (Mateo 4:10; 1 Corintios 8:6). JEOBÁ

58 Xándú ga̱jma̱a̱ eʼwínʼ Dió xaʼngun gumbayulúʼ. Ñájunʼ rá. (1 Corintios 8:4.)

Lá májánʼ muguaʼdiin eʼwínʼ Dió rí. (Deuteronomio 27:15; 1 Juan 5:21.)

59 Ñájunʼ ra̱májánʼ majmuluʼ xábí dí nuraʼngun ajndu má iʼwáá rí ekumulúʼ rí giʼdo magia. (Deuteronomio 18:10-13; Ri huasjŋgajma Juan 21:8.)

60 Ánkli bí ra̱míjínʼ o xa̱bu̱ wéñiʼ tunimbuun rí naʼti Dió. Najmiún xa̱bu̱ xawan muninduwínʼ xa̱bu̱ (Hechos 16:16).

61 Giʼmáanʼ mugríga̱a̱ Dió. Rí mugríga̱a̱ nandoo gaʼti rí muʼtán Dió, muʼtán rí nandulúʼ muʼni ñajunʼ ikhaa, ga̱jma̱a̱ munda̱ʼa̱ mambayulúʼ (Filipenses 4:6, 7).

62 Giʼmáanʼ muʼni rí naʼti Jesús ga̱jma̱a̱ muguaʼdá fe náá ikhaa (Hebreos 5:9; Juan 3:16).

63 Gakumaʼ rí ikhaa nikhañu numuu rí maʼni kawanʼ (Romanos 5:8).

64 Gakumaʼ rí Jesús nindxu̱u̱ bí naʼtáñajulúʼ ikhaa tsekujmaa. Giʼmáanʼ muʼnimbulúʼ rí naʼti (Filipenses 2:9-11; Ri huasjŋgajma Juan 19:16).

65 Jesús niʼti rí ikháánʼ giʼmáanʼ maratu̱u̱n eʼwínʼ rí májánʼ rí xtáa ra̱jma̱ñaʼ, ga̱jma̱a̱ bí nandún muni ñajunʼ Dió giʼdo rí majngun iyááʼ (Mateo 28:19, 20; Juan 4:7-15).

66 Ikha jngó ikháánʼ mandoo maratu̱u̱n bí nambáxa̱ʼ májánʼ gajmiánʼ ga̱jma̱a̱ rí májánʼ rí e̱jma̱ñáʼ (Mateo 10:32).

67 Ámu ikháánʼ na̱jma̱ñáʼ ma̱traxnuu májánʼ, ma̱jma̱ñaʼ iʼwáá rí májánʼ, xúʼkue̱ mandoo matambáñún májánʼ eʼwínʼ (2 Timoteo 2:15).

68 Mangoo Jesús niʼsngun e̱ji̱n munimbuun rí naʼti Dió. Jesús nimbá mbiʼi taʼti rí tsiwaphaa maʼtamijná gajmiin (Mateo 19:13-15).

69 Mbáá xa̱bu̱ ga̱jma̱a̱ a̱ʼgiu̱u̱ giʼdo rí musnguun e̱jiún munimbuun rí naʼti Dió xúgíʼ mbiʼi ga̱jma̱a̱ rí maʼndun kuyaa (Deuteronomio 6:6, 7; Proverbios 6:20-22; Efesios 6:4).

70 Ríga̱ mbaʼa enii guʼwá dxajkun. Mbaʼa rí nusngáá ra̱ʼkháa rí na̱ʼkha̱ náá Biblia. Jeobá naʼtulúʼ rí magajnanʼ náá guʼwá dxajkun ná rí tsesngáá rí gajkun (Ri huasjŋgajma Juan 18:4; Juan 4:23, 24).

71 Jeobá giʼdin náá tsu̱du̱u̱ ku̱ba̱ʼ xa̱bi̱i̱ bí maʼndun musngááʼ itáan ga̱jma̱a̱ numuu ikhaa. Lá natayaa tsíín nindxuún xi. (Hechos 15:14; Romanos 10:14, 15.)

72 Ikhii̱n bí nutaraʼa numuu Jeobá. Kanikín kuwa tsímáá. Natayaa ndíí numuu rí. Numuu rí nandún kuyamijna (Isaías 43:10-12; Juan 13:34, 35).

73 Mangoo numuu rí nandún kuya Jeobá, nijngún iyááʼ. Xúʼkue̱ nusnga̱jmáʼ pajnu rí niniñanʼ runi rí ra̱májánʼ rí kuwa runi naki gini, nandún muni ñajunʼ Dió xúgíʼ mbiʼi rí gakuwín (Hechos 2:41).

74 Bí nutaraʼa numuu Jeobá waʼti̱i̱n rí makuwá náá nuxiʼ ku̱ba̱ʼ mitsaan (Salmo 37:9-11, 29).

Káʼnii giʼdo matani ikháánʼ mandoo maraxtaa ikhí gajmiánʼ. (Santiago 1:22, 25; 2:20-26.)

75 Gajmiánʼ ikhii̱n ga̱jma̱ñaláʼ muni ñajunʼ Jeobá. Ikhii̱n nandún kuyaʼ ga̱jma̱a̱ rí nunimbu̱u̱n rí naʼti Jeobá ga̱jma̱a̱ Kristo Jesús. Lá nanda̱ʼ xtañun ikháánʼ xi. Lá nanda̱ʼ ikháánʼ matambáñun eʼwínʼ muniʼni̱ Dió rí. (Juan 6:45-47.)

76 Jeobá ga̱jma̱a̱ Kristo Jesús nandún kuyaʼ. Nandún rí ikháánʼ maraxtaa kámuu mbiʼi náá ku̱ba̱ʼ mitsaan (Juan 3:16).

Rí ikháánʼ nijmañaʼ índo̱ nitayaa xtiʼkhuu rígi̱ ga̱jma̱a̱ rí na̱ʼkha̱ náá i̱yi̱i̱ʼ rígi̱, mbáá ajndu gajkun naʼniaʼ rí maʼnda̱ʼ maraxtaa tsímáá náá ku̱ba̱ʼ mitsaan kámuu mbiʼi. Ámu ikháánʼ nanda̱ʼ ma̱jma̱ñaʼ itáan ga̱jma̱a̱ numuu rígi̱, nanduxu̱ʼ rí marata̱n mbáá xa̱bu̱ bí naʼtaraʼa numuu Jeobá náá xuajianʼ. Ikháánʼ mandoo matani i̱yi̱i̱ʼ, mú tsijmañaʼ atani rí mbáá maʼni ga̱jma̱a̱ numaaʼ, náá raga̱jma̱ ináá i̱yi̱i̱ʼ rígi̱ atayáaʼ guʼwá ná mijngii xtaa, mataxuʼmá náá guʼwá ná eguma.