Lá maʼni gambiin Dió mbu̱jú xa̱bu̱ xkawínʼ ráʼ.

22 Rí xúgi̱, mbu̱jú, katan ra̱míjínʼ xa̱bu̱. Náá lá waʼyaa dí ra̱májánʼ eni gi̱i̱.

23 Tikhun nuradíín eʼwínʼ xa̱bu̱. Dió naʼti dí ragiʼmaa miʼni rígi̱ (Éxodo 20:13; 1 Juan 3:11, 12).

24 Tikhun nuni kuʼwáʼ. Dió naʼti dí ragiʼmaa miʼni kuʼwáʼ (Éxodo 20:15; Efesios 4:28).

25 Tikhun nunigu̱nʼ gajmiun mbíʼín gu̱ʼu̱. Eʼwínʼ kuwiin gajmiun a̱jmi̱n o ajtsín gu̱ʼu̱ wajiʼ gu̱ʼún. Tikhun kuwa mbóó ndu nangua enigu̱nʼ. Xúgíʼ rígi̱ nanujngorámuʼ rí naʼti náá Biblia (Mateo 19:4-6; 1 Corintios 7:1-4; 1 Timoteo 3:1, 2).

26 Nakumaʼ ikháánʼ rí Dió nixniú mbáwii a̱ʼgiu̱u̱ Adán ráʼ. (Génesis 2:22, 24.)

27 Mbáʼín xa̱bu̱ nduyamajkun mbíʼín xándú. Dió naʼti dí ragiʼmaa majmiaʼ xándú bí nigumiin índo̱ natanimba̱a̱ ikhaa (Éxodo 20:4, 5; Isaías 44:9-17; 1 Juan 5:21).

28 Jeobá maʼni gambiin xa̱bu̱ xkawínʼ bí tsiriʼkumijná (Salmo 37:9, 10; Lucas 13:5; 1 Corintios 6:9, 10).