Kíxnuu 14

Bí nambáxu̱u̱n májánʼ gajmiún Dió tseni dí ra̱májánʼ

Gixa̱a̱ naxkaxáanʼ muʼni dí ra̱májánʼ. Ámu nandulúʼ mambaxulúʼ gajmiulúʼ Dió, giʼdo maguiyulúʼ kuʼyaa rí eguiyuʼ kaʼyo Jeobá (Salmo 97:10). Rígi̱ nindxu̱u̱ tikhuu dí ragiʼmaa muni bí nambáxu̱u̱n májánʼ gajmiún Dió:

Bí nuni aʼkhá gajmiún bí raʼkhii̱n jmbañún, bí raʼkhii̱n guʼñún. «Ragiʼmaa manindxa̱ʼ yamba̱a̱ʼ.» (Romanos 13:9.) Ragiʼmaa mataba̱ʼ jma̱a̱ʼ mbáá xa̱bu̱ ámu xó tseyáa, raʼkhí mangaa ríʼkhín (1 Corintios 6:18).

Bí najngi̱i̱n. Bí «najngi̱i̱n [...] maxataʼjanlu naʼ naʼtañajunʼ Dió» (1 Corintios 6:9, 10).

Xa̱bu̱ bí nuradíín angiún jma̱a̱ gu̱ʼu̱ bí nugrajki̱i̱n e̱jiún. «Xataxiyala xa̱bu̱ ku.» (Santiago 2:11.)

Tsikuwaʼ. «Ikhaa xa̱bu̱ su naʼni ku̱wa̱ʼ nu naxáʼni kuweʼ ra.» (Efesios 4:28.)

Xtujtaa. Xtángoo Jeobá naguiyuʼ kaʼñun su «nunindu̱wa̱ʼ» (1 Timoteo 1:8-10).

Bí nakiʼnaa mbégu̱ʼ ajndu naʼni xuíí. Jeobá naʼthi «naxakinala, naxundxaʼjua sŋa naxutan numún iʼwíínʼ xa̱bu̱, ga xuni xogiʼ rí ra̱mejanʼ» (Efesios 4:31). «Rí naʼni su xa̱bu̱ rí nandoo ikhaa wi» mbóó nindxu̱u̱ «su mbégu̱ʼ u ekhiʼníí» (Gálatas 5:19, 20).

Gitsíin. «Xambaxiʼla jmiʼla su nutan rí [...] ñajunʼ [...] o su nanigu̱ʼ wéñuʼ rí magiʼdo.» (1 Corintios 5:11.)

Bí naguiyuʼ kaʼyóo imba̱a̱ bí nangua mbriguu ga̱jma̱a̱. «Angajuaʼla kuñu̱u̱n xa̱bu̱ su nakiʼnii kuyalaʼ uni sakun numuu su nuxnamaʼjanʼla.» (Mateo 5:43, 44.)

Dió naʼtulúʼ xúgíʼ rígi̱ mú makuwánʼ májánʼ. Miʼskhaa matanigaʼduun dí ra̱májánʼ. Jeobá gajmíín bí nutaraʼa numuu ikhaa mumbayáá, xúʼkhii̱n mandoo matanigaʼduun xúgíʼ rí tsenigu̱ʼ Dió (Isaías 48:17; 2 Corintios 4:7; Hebreos 10:24, 25).