Kíxnuu 4

Xú káʼnii gando muniʼnííʼ Dió

Mandoo muniʼnííʼ Jeobá mú nuraxnu Biblia. Nákha wajiuʼ, Dió niraʼwíín tikhun xa̱bu̱ mú mandoo muti ná i̱yi̱i̱ʼ rí eʼthu̱u̱n ajkiu̱u̱n ikhaa. I̱yi̱i̱ʼ rígi̱ nagumbiʼyuu Biblia. Xúgi̱ mandoo muniʼnííʼ Dió ámu nuraxnuu ajngáa raunʼ ikhaa. Rígi̱ giʼdo raʼthi ajngáa raunʼ Jeobá, rí naʼthi ikhaa, Ikha jngó nagumbiʼyuu ajngáa raunʼ Dió. Mandoo muʼnimbulúʼ rí naʼthi Biblia numuu rí Jeobá nimbá miʼtsu tseʼnindu̱wa̱ʼ. «Dió nangua xú maʼnindu̱wa̱ʼ.» (Hebreos 6:18.) Ikha jngó, ajngáa raunʼ Dió naʼthi rí gajkhun (Juan 17:17).

Mbóó rí nimináanʼ anu̱lú Dió ra̱ʼkhá tháán giʼdo numuu ikhaa má ajngáa raunʼ. Ndu xóo mbóó i̱yi̱i̱ʼ rí nakunguanʼ mbáá xa̱bu̱ mbuyáá e̱ji̱i̱n. A̱ʼkhi̱ Dió eʼthi rí mariʼkhu̱u̱ numbaa rígi̱ maʼni mitsaan náa makuwanʼ, mangoo naʼtulúʼ káʼnii niʼni Dió nákha wajiuʼ, káʼnii xtáa raʼni xúgi̱ káʼnii gaʼni nda̱wa̱á ga̱jma̱a̱ numún e̱ji̱i̱n, bí nangua eniñanʼ mbákayuuʼ. Mangoo nambayulúʼ muʼnimbánii xkujndu rí kua̱ʼda̱ mangoo nambayulúʼ muxkhamá rí tsímáá (2 Timoteo 3:16, 17).

Bí nutaraʼa numuu Jeobá nambáxu̱u̱n májánʼ gajmiún Dió; ikhíínʼ gumbayaaʼ makruaʼa rí eʼsngáá Biblia. Ndió rí xta̱ʼda̱ maratu̱u̱n rí nandaaʼ mathatsiga̱jma̱a̱ Biblia. Xurumán rí musngááʼ (Mateo 10:8). Mangoo, mandoo mi̱dxu̱ʼ guʼwá náa ewi̱i̱n bí naguun ki̱dxu̱ʼ Kristo. Ná eríga̱ rígi̱ nindxu̱u̱ guʼwá náa eniga̱jma̱a̱ bí nutaraʼa numuu Jeobá. Ámu nadxu̱ʼ náa ewi̱i̱n, ku̱ma̱ ndrigáʼ ga̱jma̱a̱ numuu Dió maga̱ja̱a̱ nacha̱.

Ikháánʼ mandoo matatsiʼníí Dió ga̱jma̱a̱ numuu xúgíʼ rí niʼni. Mbuʼyáa mbóó xkrido, náa Biblia naʼthi: «Dió [...] niʼni mekhu ga̱jma̱a̱ ju̱ba̱ʼ» (Hechos 14:15). Índo̱ rí Jeobá niʼni «mekhu», mangoo niʼni A̱jkha̱ʼ. Ikhaa rúʼkhue̱, káʼnii lá eʼsnguluʼ ga̱jma̱a̱ numuu Dió rá. Rí Jeobá giʼdo wéñuʼ sieki̱i̱. Ndió ikhaa nindoo niʼnii mbáá bí giʼdo wéñuʼ sieki̱i̱ ikhaa má A̱jkha̱ʼ. Xúʼkhue̱ má mangoo naʼsngájmulúʼ rí Jeobá na̱jma̱ñuu wéñuʼ numuu rí ndiyooʼ wéñuʼ ku̱ma̱ mú maʼndoo maʼnii A̱jkha̱ʼ, ikhaa naxnulu agiuʼ mangoo naʼni maʼni mijkha náa kuwanʼlu, nimbá mbiʼi tsijuiyuuʼ.

Xúgíʼ rí niʼni Jeobá nasngájma rí nandoo kaʼyulúʼ wéñuʼ. Atatsaʼwáminaʼ jma̱a̱ xúgíʼ enii xndú taun rí rígá náa tsu̱du̱u̱ ku̱ba̱ʼ. Ámu Jeobá niʼthi maxnuluʼ mbujtsí xndú taun o nimbá má xaxnuluʼ. Mú thaʼni xúʼkhue̱, ikhaa nixnuluʼ mbaʼa enii xndú taun, rí mba̱ʼu̱ rí chijkha̱ʼ, mixtiʼkhu mixtiúu, nangua mbríguu mitaun. Rígi̱ esngájma rí Jeobá nandoo kaʼyulúʼ wéñuʼ, naxná rí giʼdo, nakumu̱u̱ kaʼyulúʼ naʼni rí májánʼ wéñuʼ mangoo (Salmo 104:24).