Xú káʼnii nixtáa Adán ga̱jma̱a̱ Eva náa ku̱ba̱ʼ mitsaan rá.

Mbaʼa rí májánʼ nixná Jeobá náa Adán ga̱jma̱a̱ Eva (Génesis 1:28)

Jeobá niʼnii timbáa a̱ʼgu̱ ga̱jma̱a̱ nixniúu xa̱biya̱ mu maʼni xóo a̱ʼgiu̱u̱ (Génesis 2:21, 22).

Jeobá niʼni rí magoo mundxaʼwamíjna májánʼ ga̱jma̱a̱ kañiʼ xa̱bu̱ niʼnii, májánʼ wéñuʼ niʼnii.

Guʼún ninindxu̱u̱ náa ixi̱ ri̱ʼi̱ Edén. Ra̱ʼkhá tháán mitsaan ninindxu̱u̱: Nirígá mañu, ixi̱, xndú taun ga̱jma̱a̱ xujkhúʼ.

Jeobá niʼthúu̱n Adán ga̱jma̱a̱ Eva ajndu mekhu. Xí ikhiin nidxawíín Diúu̱ makuwá kámuu mbiʼi náa ku̱ba̱ʼ mitsaan.

Diúu̱ niʼthún rí ma xupi xndúu mbá ixi̱ (Génesis 2:16, 17)

Mbáa ángel táʼnimbo̱o̱ náa Diúu̱. Ángel buʼko̱ ni̱ndxu̱u̱ Satanás bi̱ ni̱ndxu̱u̱ Gixa̱a̱ ma̱ngaa.

Jeobá nisngájmuu Adán ga̱jma̱a̱ Eva mbá ixi̱ rí juaʼan náa ixi̱ riʼi Edén, ga̱jma̱a̱ niʼthún á mu rí naʼphu̱ xndúu ixi̱ rígi̱, makhañún.

Satanás na̱nguá nindoo rí Adán ga̱jma̱a̱ Eva munimbu̱ún náa Jeobá. Ikha jngó nijmiu mbáa a̱bu̱nʼ mu maʼthúu̱n Eva xí mu dí naʼkhu xndúu ixi̱ rí niwaʼtan rí ma xikui xákhañuu. Niʼthúu̱n rí mani̱ndxu̱u̱ xóo Diúu̱. Mú xúgíʼ rúʼko̱ ninindxu̱u̱ phú minduwaʼ (Génesis 3:1-5).