Níʼkhóo 4

Ndiéjunʼ nirígá índo̱ nidxawíín rí niʼthí Satanás rá.

Adán ga̱jma̱a̱ Eva túnimbu̱u̱n náa Diúu̱ ikha jngó nikháñun (Génesis 3:6, 23)

Eva na̱ʼkhu̱ xndúu ixi̱ rí nijuiʼtháán dí xándoo mi̱khu̱ nda̱wa̱á naxnúu mi̱khu̱ Adán

Eva niʼdxuun rí niʼthí a̱bu̱nʼ ga̱jma̱a̱ niʼkhu xndúu ixi̱; nda̱wa̱á nixnúu mikhu Adán, ikhú ikhaa niʼkhu.

Adán ga̱jma̱a̱ Eva nagájni̱i̱n náa ku̱ba̱ʼ mitsaanʼ

Rí nini ninindxu̱u̱ mbá aʼkhá dí ra̱májánʼ wéñuʼ. Diúu̱ nixkawíín náa ku̱ba̱ʼ mitsaan.

Adán ga̱jma̱a̱ Eva niʼni xabuanii ga̱jma̱a̱ nikháñún

Ra̱ʼkhá tháán mingíjyúu nixtáa Adán ga̱jma̱a̱ Eva gajmíi̱n e̱ji̱i̱n. Niʼni xa̱bu̱ wanii ga̱jma̱a̱ nikháñun. Ikhiin na̱nguá nirtaximi̱jna̱ espíritu. Mbájkhu má niniñanʼ rakuwa.

Bi̱ nikháñun nánguá eya, ikhiin naʼni̱i̱nla xóo yujndoʼ Ku̱ba̱ʼ (Génesis 3:19)

Nakujmiin xa̱bu̱ bi̱ mixtiʼkhu xóo kúwá ga̱jma̱a̱ mixtiʼkhu tsiguʼ niguwáʼ rakúwá

Xúgiáanʼ nakhañulúʼ numuu rí naguwaʼ náa Adán ga̱jma̱a̱ Eva. Bi̱ nikháñun nánguá eyexi asndu má nánguá edxawíín (Eclesiastés 9:5, 10).

Nikháñuu mbáa dxáʼgú, bi̱ kúwá náa goʼwóo numbi̱ya̱ʼ

Jeobá na̱nguá niʼnii rí xa̱bu̱ makhañún. Nacha̱ má gáʼni rí mawaxuún xa̱bu̱ bi̱ nikháñun; xí xa̱bu̱ bige̱ nidxawíín ikhaa, makuwá kámuu mbiʼi.