Jesús naʼni kaʼwi̱i̱ templo

Mbáa naʼni xóo gu̱nʼ abril tsiguʼ 30 rí Jesús ni̱jkha̱ náa Jerusalén. Mbaʼin xa̱bu̱ nigún náa xuajen rúʼko̱ mu muniriyaaʼ Pascua. Ikhú ma̱ngaa nuxnaxi̱i̱n xujkhúʼ xóo tsigijñaʼ náa templo. Tikhun naguwáʼ kudiin xujkiún, mú eʼwíínʼ nutsi̱i̱n náa Jerusalén.

Índo̱ Jesús ni̱ʼkha̱nú náa templo, ndiʼyoo rí tikhun xa̱bu̱ nugujui̱i̱n xujkiún ikhí. ¡Kuwa rugujua̱ náa phú guʼwá rí nduyamajkuíí Jeobá! Ndiéjunʼ niʼni Jesús rá. Niʼni mbá ñuñuu ga̱jma̱a̱ nijmuu mu maxkawíin mugu̱ ga̱jma̱a̱ xede̱ náa templo. Ma̱ngaa nirngáxi̱i̱ mesas ndrígu̱ún xa̱bu̱ bi̱ nuriʼkuíí mbújkha̱a̱, ga̱jma̱a̱ xúgíʼ mbújkha̱a̱ nijngutígú mbayííʼ. Jesús niʼthún bi̱ kuwa rugujui̱i̱n palomas: “¡Gurawíi xúgíʼ rígi̱! ¡Xúni̱la xuáá goʼwóo Anu̱ʼ!”.

Xa̱bu̱ bi̱ kuwa náa templo niguanún tsiánguá ga̱jma̱a̱ numuu rí niʼni Jesús. Xa̱bi̱i̱ Jesús nirmáʼáan a̱jkiu̱ún rí nijuiʼthá ga̱jma̱a̱ numuu Mesías: “Magúʼdoo wéñuʼ gamajkhu ga̱jma̱a̱ numuu goʼwóo Anu̱ʼ”.

Nda̱wa̱á, tsiguʼ 33, Jesús niʼni kaʼwi̱i̱ templo rí maʼni a̱jma̱ nuthu. Tániñuʼ rí nimbáa masngájma rí tséʼyamajkhuu goʼwóo Anu̱u̱.