Rí najuiʼthún bi̱ makuwá

ACOMODADORES. Acomodadores kúwá mu mumbayáaʼ. Atanimbaaʼ rí gútha̱nʼ ga̱jma̱a̱ numuu estacionamiento, rí mi̱dxu̱ʼ náa pasillo, rí matani apartar xílí ga̱jma̱a̱ i̱ʼwáʼ.

XÍLÍ. Nutha̱nʼxu rí gani̱ndxa̱ʼ májánʼ a̱jkia̱nʼ gajmiáanʼ eʼwíínʼ. Garmáʼáan a̱jkia̱nʼ rí ma̱ndoo matani apartar xílí náa mutrigi̱i̱n bi̱ kuwa náa guʼwáaʼ, bi̱ nadxuʼ gajmiáanʼ náa carro o bi̱ narasngúún. Xátatsiʼñáʼ rí xta náa xílí rí ma̱ndoo matrigi̱i̱n eʼwíínʼ.

BAUTISMO. Maguanúu xílí rí tri̱ga̱ asndu inuu plataforma mu mutrigi̱i̱n bi̱ majngún iyááʼ. Gíʼmaa mutrigi̱i̱n náa xílí rúʼko̱ nákha xóó tsígi̱ʼdu̱u̱ discurso ndrígóo bautismo rí mbiʼi sábado. Xúgínʼ ndayóoʼ mbu̱ya̱ mbóo toalla ga̱jma̱a̱ mbá xtíin rí nagui̱i̱ mu maguʼwúnʼ.

MBÚJKHA̱A̱ RÍ NAJUIXNÁ. Nijmaa mba̱a̱ mbújkha̱a̱ mu marigá xílí, sonido ga̱jma̱a̱ video ga̱jma̱a̱ i̱ʼwáʼ rí ndayóoʼ mu makuwáanʼ májánʼ náa asamblea rígi̱ ga̱jma̱a̱ ma̱ndoo muxuʼmamijná náa Jeobá. Mbújkha̱a̱ rí nuxnala nayambáá mu ma̱ndoo majmaa, numa̱a̱ xúgíʼ rígi̱ ga̱jma̱a̱ nayambáá náa ñajunʼ rí nagumaa xúgíʼ numbaaʼ. Tri̱ga̱ caja náa xúgíʼ local mu ikháán ma̱ndoo matrajkuáa mbújkha̱a̱ ma̱ngaa ma̱ndoo muxnala mbújkha̱a̱ náa Internet, náa donate.jw.org. Nuxna̱a̱la núma̱aʼ numuu rí nuxnala mbújkha̱a̱, Cuerpo Gobernante nandoo maxnáa núma̱aʼ numuu rí numbáyii Reino.

NÁA NAXTAGIXI̱I̱ RÍ NANDÁTI̱GA̱. Á mu nataxkama̱a̱ mbá rí nindáti̱ga̱, araxnáxi̱i̱ náa Departamento rí nixtagixi̱i̱. Á mu rígá rí nindáti̱ga̱ʼ ayuʼ gátaʼyáaʼ náa Departamento rúʼko̱. Ma̱ngaa ma̱ndoo mi̱dxu̱ʼ xtiin e̱ji̱n bi̱ nindáti̱gi̱i̱n. Mu xaxmiéjunlú xúgiáanʼ náa dí rakáʼyoo, atiewu̱u̱n e̱jña̱ʼ xúgíʼ mbiʼi.

GUʼWÁ THANA. Garmáʼáan a̱jkia̱nʼ rí gi̱i̱ i̱ndó ma̱ndoo mi̱dxa̱ʼ á mu gi̱i̱ ndiyáaʼ nandii.

SERVICIO VOLUNTARIO. Á mu nandaʼ matiambáá náa asamblea ayuʼ náa Departamento náa majuiʼtháanʼ xóo matani ga̱jma̱a̱ náa ma̱ndoo matiambáá.

REUNIÓN KIEJUN’

Náa Najuiʼsngúún bi̱ Nutaraʼa numuu Reino Najuiʼthún precursores bi̱ guáʼdáá 23 asndu 65 tsiguúnʼ bi̱ nandún muñajunʼ itháan rí makuwa wakhííʼ domingo náa mbá reunión á mu nandún magún náa escuela rígi̱. Náa plataforma gíʼthá náa hora ga̱jma̱a̱ náa minaʼ gáʼni.