KÍXNUU 02

Náa Biblia naʼthí ndiéjunʼ rí kuaʼthi̱i̱n marigá nda̱wa̱á

Edición impresa

Náa mbájndi numbaaʼ xa̱bu̱ nuraʼníí gamiéjunʼ ga̱jma̱a̱ rúʼko̱ naʼni rí majmún, maxmiéjúnʼ ga̱jma̱a̱ naʼni magawúnʼ. Lá nitagíʼníí mbá miʼtsú rígi̱ ráʼ. Mbáa xtaa ratamíniiʼ ga̱jma̱a̱ numuu mbá nandii o ga̱jma̱a̱ numuu rí nikháñuu mbáa bi̱ nandaaʼ xtayáá. Mbáa nitrajximínáʼ á mu maʼga̱nú mbá mbiʼi rí maraxtaa májánʼ. Rí naxtiʼña̱a̱ náa Biblia naʼni rí maʼni̱i̱ a̱jkia̱a̱nʼ.

1. Ndiéjunʼ rí kuaʼthi̱i̱n marigá nda̱wa̱á eʼthí náa Biblia rá.

Náa Biblia raʼkháa i̱ndó naʼthí náá numuu dí rígá wéñuʼ xkujndu náa tsu̱du̱u̱ ku̱ba̱ʼ, ma̱ngaa ikhí naʼthí rí xájyúuʼ má mambáa. Rí na̱ʼkha̱ raʼthí náa Biblia ga̱jma̱a̱ numuu dí marigá nda̱wa̱á mambáyaaʼ “mu maraxtaa májánʼ ga̱jma̱a̱ rí makhánaaʼ mbá rí wíji̱ ma̱ʼkha̱” (atraxnuu Jeremías 29:11, 12). Rí naʼthí náa Biblia nambáyúlu muraʼníí xkujndu ga̱jma̱a̱ rí makuwáánʼ májánʼ. Ma̱ngaa naʼthúlú rí makuwáánʼ májánʼ kámuu mbiʼi.

2. Ndiéjunʼ gárígá nda̱wa̱á eʼthí náa Biblia rá.

Náa Biblia naʼthí rí nda̱wa̱á “ni xákháñulu, ni xárígá tsíngíná, ni xtambiyaʼ ni má ga̱ʼkhu̱” (atraxnuu Apocalipsis 21:4). Mambáa xúgíʼ xkujndu rí naʼni mumíniiʼ, xóo tsíngíná, xóo dí narígá dí ra̱májánʼ, nandii ga̱jma̱a̱ rí nakháñulú. Náa Biblia naʼthí rí xa̱bu̱ numbaaʼ ma̱ndoo makuwá tsímáá kámuu náa tsu̱du̱u̱ ku̱ba̱ʼ mitsaanʼ.

3. Ndiéjunʼ gámbáyaaʼ mu matanimbaaʼ rí naʼthí náa Biblia dí marigá nda̱wa̱á rá.

Mbaʼin xa̱bu̱ guáʼthi̱i̱n rí makuwá májánʼ nda̱wa̱á mú tséyáá á mu gajkhun maʼga̱nú marigá. Mú mixtiʼkhu nindxu̱u̱ rí naʼthí náa Biblia. Ma̱ndoo muʼgua̱nú muʼnimbulú rí naʼthí ikhí á mu “nduʼyáá tsumáá náa Kiʼnirámáʼ” xóo muʼthá Biblia (Hechos 17:11). Índo̱ gátanigajma̱a̱, midxuʼnú ma̱ta̱ya̱a̱ á mu gajkhun nindxu̱u̱ rí naʼthí ikhí dí marigá nda̱wa̱á.

GAJMAÑAAʼ ITHÁAN

Guʼyáá tikhu rí marigá nda̱wa̱á rí naʼthí náa Biblia ga̱jma̱a̱ xú káʼnii xtáa rambáñún xa̱bu̱ rí mbiʼi xúgi̱ dí marigá nda̱wa̱á.

Mbaʼa xtiʼkhuu: Xtiʼkhuu náa nakujmaa xóo kúwíin xa̱bu̱ rí mbiʼi xúgi̱ ga̱jma̱a̱ xóo makuwíin nda̱wa̱á xó má eʼkha̱ raʼthí náa Biblia. Xtiʼkhuu rígi̱ na̱ʼkha̱ xóó agoo.

4. Náa Biblia naʼthí rí makuwáánʼ májánʼ kámuu mbiʼi

Atayáá tikhu rí jngújma gi̱i̱ rí na̱ʼkha̱ náa Biblia. Náá guáʼyaa nanigua̱a̱ʼ rá. Náá numuu rá.

Guraxnuu texto ndrígóo Biblia rí tima ga̱jma̱a̱ gutamíjnála rígi̱:

Lá mambáyaaʼ texto ndrígóo Biblia rígi̱ ikháán ráʼ. Lá mambáñún bi̱ xtañún ga̱jma̱a̱ bi̱ nambájxaaʼ gajmiáanʼ ráʼ.

Xkáʼnii gákuma̱a̱ʼ á mu xtaa náa numbaaʼ xígi̱ kaʼnii rá.

NÍMBA̱A̱...	XÚGÍINʼ XA̱BU̱...
... ni xáminuuʼ, ni xákhi̱i̱, ni má xákháñuu (Isaías 25:8.)	... mbuyáá xóo gágabi̱ín a̱ngiu̱ún mu makuwá náa tsu̱du̱u̱ ku̱ba̱ʼ (Juan 5:28, 29.)
... ni xáʼniuu nandii o i̱ʼwáʼ dí maʼni mamínuuʼ xuyuuʼ (Isaías 33:24; 35:5, 6.)	... ni xáʼniún nandii, muguaʼdáá tsiakii xóo jiámá (Job 33:25.)
... ni xágumaa dí ra̱májánʼ rí maʼni mamínuuʼ (Isaías 32:16, 17.)	... muguaʼdáá wéñuʼ ganitsu, muguaʼdáá mbá guʼwá májánʼ náa makuwá ma̱ngaa mbá ñajunʼ rí manigu̱u̱nʼ (Salmo 72:16; Isaías 65:21, 22.)
... ni xáminuuʼ ga̱jma̱a̱ numuu guerra (Salmo 46:9.)	... makuwíin tsímáá (Salmo 37:11.)
... ni xákumu̱u̱ rí tséjmaa, xármáʼaan a̱jkiu̱u̱n dí ra̱májánʼ rí maʼni mamínuuʼ (Isaías 65:17.)	... makuwá kámuu mbiʼi ga̱jma̱a̱ nda̱a̱ rí gáʼñúunʼ (Salmo 37:29.)

Mbáa ada̱ chíʼgíiʼ kaʼmaaʼ náa xiawuu naʼniuu nandii, nda̱wa̱á nadxuu ga̱jma̱a̱ kayáraʼaa ru̱dúu̱.

Mbáa xa̱bu̱ nikhi̱i̱ na̱jkha̱ ga̱jma̱a̱ ragótiu̱u̱, nda̱wa̱á na̱jkha̱ kayóo mbá carretilla náa kajti rí mi̱khu̱ ga̱jma̱a̱ gújkuíiʼ.

5. Rí naʼthí marigá náa Biblia ma̱ndoo maʼni rí makuwáánʼlu májánʼ

Mbaʼin xa̱bu̱ nakháguabiinʼ ga̱jma̱a̱ asndu nakásngañu̱únʼ eʼni xkujndu o ajngáa dí rígá náa numbaaʼ. Tikhun nuni̱ tsiakimíjna̱ mu munimbáníí xkujndu dí xtáa rarígá. Atayáá rí mbiʼi xúgi̱ xtáa rambáñún mbaʼin xa̱bu̱ rí na̱ʼkha̱ raʼthí náa Biblia, rí maguma májáanʼ mbá xúgíʼ. Gu̱ya̱a̱ VIDEO ga̱jma̱a̱ gutamíjnála rígi̱:

VIDEO: Nindoʼ manigámbáa xúgíʼ dí ra̱májánʼ (4:07)

Xtiʼkhuu video nindoʼ manigámbáa xúgíʼ dí ra̱májánʼ. 1. Nákha chíʼgíiʼ Rafika xtáa ragímbóo mugu̱ gajmíin eʼwíinʼ xa̱bu̱ bi̱ skuniúnʼ má. 2. Rafika ni̱jkha̱ timbá mitsú náa asamblea rí naguáʼdáá xa̱bi̱i̱ Jeobá. Nadxuu índo̱ ndaʼñún xa̱bu̱ mbá kambájxu̱u̱n bi̱ mixtiʼkhu color.

Xó má ndiʼyáá náa video, ndiéjunʼ dí ra̱májánʼ rí niʼni maxmiéjuunʼ Rafika rá.
Xú káʼnii nimbáyúu Biblia maski ajndu táguámbáa dí ra̱májánʼ rí ndiʼyoo ikhaa xá.

Rí na̱ʼkha̱ raʼthí náa Biblia dí marigá nda̱wa̱á nambáyúlu mu muʼnimíjna̱ rí xaxmiéjunlu wéñuuʼ ma̱ngaa nambáyulu muraʼníí xkujndu ga̱jma̱a̱ májánʼ. Guraxnuu Proverbios 17:22 ma̱ngaa Romanos 12:12 ga̱jma̱a̱ gutamíjnála rígi̱:

Lá naku̱ma̱a̱ʼ rí na̱ʼkha̱ raʼthí náa Biblia dí marigá nda̱wa̱á ma̱ndoo mambáyaaʼ mu maraxtaa májánʼ rí mbiʼi xúgi̱ ráʼ. Náá numuu rá.

RÍ NUTHI TIKHUN: “Ra̱ʼkhá tháán májánʼ dí na̱ʼkha̱ raʼthí náa Biblia mú tsiánguá á mu gajkhun”.

Náá numuu ku̱ma̱a̱ʼ ikháán dí gíʼmaa mataya̱a̱ á mu gajkhun mambanúu rí naʼthí náa Biblia rá.

RÍ NAGÁJNURIYO̱O̱ʼ

Náa Biblia naʼthí rí makuwáanʼlu gagi nda̱wa̱á ga̱jma̱a̱ rúʼko̱ naʼni rí maʼngulu mugua̱ʼthi̱i̱n maski ajndu nuraʼníí xkujndu.

Rí nijmañaaʼ

Náá numuu rí xa̱bu̱ nda̱yo̱o̱ mbuyáá rí mambáa dí naʼni mumíniiʼ rá.
Ndiéjunʼ eʼthí náa Biblia ga̱jma̱a̱ numuu dí marigá nda̱wa̱á rá.
Xú káʼnii gándoo gámbáyaaʼ rí mbiʼi xúgi̱ dí ma̱ta̱ya̱a̱ marigá nda̱wa̱á rá.

Nguáná niguámbaaʼ kíxnuu rígi̱:

Rí ma̱ndoo matani

Mu ma̱ndoo magida̱ʼ edxa̱a̱ʼ rí na̱ʼkha̱ raʼthí náa Biblia ga̱jma̱a̱ numuu dí marigá nda̱wa̱á. Atanga̱án matraxnuu texto rí na̱ʼkha̱ náa kíxnuu rígi̱.

I̱ʼwáʼ:

Your other goal

ATAYÁÁ ITHÁAN

Gajmañaaʼ itháan ga̱jma̱a̱ numuu dí marigá nda̱wa̱á.

“Náá minaaʼ gúxkamaa dí marigá nda̱wa̱á rá.” (¡Awaxunʼ!, 22 ñajunʼ gu̱nʼ abril tsiguʼ 2004)

Atayáá xú káʼnii nambáñún rí marigá nda̱wa̱á bi̱ guáʼdáá mbá nandii mbiiʼ.

“Lá ma̱ndoo mambáyúlu Biblia mu maʼngulu mu̱ʼni̱ gajmiúlu nandii ráʼ.” (Artículo dí rígá náa jw.org)

Índo̱ xtaa ratayáá video rígi̱, atatsaʼwáminaʼ rí xtaa gajmiáanʼ bi̱ kúwi̱i̱n náa guʼwáaʼ náa ku̱ba̱ʼ mitsaanʼ dí naʼthí náa Biblia.

“Xóo xtáá má ikhí ku̱mu̱” (3:37)

Atraxnuu mu ma̱ta̱ya̱a̱ xú káʼnii nimbáyúu mbáa xa̱bu̱ rí naʼthí náa Biblia dí marigá nda̱wa̱á.

“Nánguá má ku̱mu̱ʼ rí ndayóoʼ mariʼkhu̱u̱ numbaaʼ” (Bi̱ Nayejngoo, 1 ñajunʼ gu̱nʼ julio tsiguʼ 2013)