Atraʼwíí májánʼ dí marata̱

Dí niʼni Pablo

VIDEO: Pablo naʼtáruʼúún xa̱bu̱ bi̱ kúwá náa Atenas

1. Atayáá VIDEO o atraxnuu Hechos 17:​22, 23. Nda̱wa̱á atayáá graxe̱ rígi̱:

1. Xú káʼnii nikumu̱u̱ Pablo índo̱ ndiʼyoo dí náa xuajin Atenas kúwá wéñuuʼ xándú rá. (Atayáá Hechos 17:16.)

2. Índo̱ Pablo niʼtáruʼúún xa̱bu̱ Atenas, xú káʼnii nisngájma dí niraʼwíí májánʼ dí maʼthí xá.

Ndiéjunʼ ejmañulúʼ náa xkridoo Pablo rá.

2. Xa̱bu̱ mudxawíín dí nuʼtáraʼa á mu nuraʼwíí májánʼ dí nuʼthá, xú káʼnii eʼthá ga̱jma̱a̱ nguáná eʼthá.

Atayaridáá Pablo

3. Atraʼwíí májánʼ dí marata̱. Mbá xkri̱da, á mu naratamijná ga̱jma̱a̱ mbáa xa̱bu̱ bi̱ nditháan na̱nguá eʼyoo ga̱jma̱a̱ numuu Biblia, mbáa mixtiʼkhu xóo gáʼyóoʼ muʼtháán índo̱ nuʼthá ga̱jma̱a̱ numuu Biblia o índo̱ nuʼthá ga̱jma̱a̱ numuu Jesús.

4. Xáratha̱a̱n mbá nacha̱ á mu raʼkhí eʼthí xa̱bu̱. Atatsiñááʼ dí xa̱bu̱ maʼthí xó má eyoo. Ga̱jma̱a̱ á mu naʼthí mbá dí na̱nguá mbríguíi ga̱jma̱a̱ dí naʼthí náa Biblia, xáratha̱a̱n dí raʼkhí eʼthí (Sant. 1:19). Á mu natadxawíín májánʼ dí naʼthí, maʼngo̱o̱ makruaʼa̱a̱ʼ ndiéjunʼ eʼnimboo ikhaa ga̱jma̱a̱ ndíjkha eʼnimboo rúʼko̱ (Prov. 20:5).

5. Mámbá índo̱ gándoo, aratháán dí gíʼdoo numuu dí naʼthí ga̱jma̱a̱ aratháán dí májánʼ eʼthí. Garmáʼáan a̱jkia̱a̱nʼ dí xa̱bu̱ maku̱mu̱u̱ gajkhun dí ikhaa naʼthí dí májánʼ. Ginii atayáá náá dí nambríguíí máwáa ga̱jma̱a̱ xóo eʼsngáa náa Biblia dí ndaʼyoo ikhaa ga̱jma̱a̱ nda̱wa̱á atambáyíí mañu mañúú makro̱ʼo̱o̱ xóo phú káʼnii eʼsngáa ikhí.