Xú káʼnii maraxnaxí i̱yi̱i̱ʼ

Xú káʼnii gatagíʼdi̱i̱ mbá estudio timbá sábado ndrígóo gu̱nʼ julio

“Ndiéjunʼ eku̱ma̱ʼ ikháánʼ rí endxa̱ʼwáminaʼ Dios índo̱ nuʼtákáñii rá. Lá naku̱ma̱ʼ rí naxmiéjunʼ, o i̱ndó naʼdxun xáʼ.” Atatsíñaʼ mariʼña̱a̱. Nda̱wa̱á atasngajmaa náa námbáa ináa ndrígóo La Atalaya rí 1 gu̱nʼ julio ga̱jma̱a̱ atayáá ga̱jma̱ʼ rí e̱ʼkha̱ raʼthí náa timbá graxe̱ ga̱jma̱a̱ atraxnuu mbá texto ndrígóo Biblia. Araxnáá revistas ga̱jma̱a̱ aratháán rí matangaán mbu̱ju̱ú mu ma̱ta̱ya̱a̱ imbo̱o̱ graxe̱.

La Atalaya 1 gu̱nʼ julio

“Numuu rí Dios gíʼdoo xúgíʼ tsiakii, lá naku̱ma̱ʼ rí ikhaa gíʼdoo aʼkhúun náa xúgíʼ dí ra̱májánʼ dí xtáa rarígá náa tsu̱du̱u̱ numbaaʼ ráʼ. [Atatsíñaʼ mariʼña̱a̱. Nda̱wa̱á atraxnuu Santiago 1:13.] Náa revista rígi̱ e̱ʼkha̱ raʼthí náa numuu dí narígá dí ra̱májánʼ ga̱jma̱a̱ káʼnii gáʼnii Dios mu maʼni gámbóo dí ra̱májánʼ ga̱jma̱a̱ tsingíná.”

¡Despertad! Julio

“Na̱jkha̱nú mbiʼi dí mbaʼan dí ikháanʼ naguaʼnii mbá gamiéjunʼ, xó má índo̱ naxnúu ruʼwa rí naʼni gámbóo xúgíʼ, mbá nandii dí gaki̱i̱ wéñuʼ o dí nakháñuu mbáa ndxájulú. Á mu xúʼko̱ erígá, lá ragíʼdoo wéñuʼ numuu dí maguaʼdáá tsiakii mu maʼngulú muraʼní rígi̱ ráʼ. [Atatsíñaʼ mariʼña̱a̱.] Biblia nambáñun mbaʼin wéñuʼ xa̱bu̱ mu maʼngu̱u̱n muraʼní gamiéjunʼ rúʼko̱ [Atraxnuu Romanos 15:4]. Náa revista rígi̱ na̱ʼkha̱ raʼthí xú káʼnii gambáyuluʼ wéñuʼ Biblia mu muraʼní gamiéjunʼ.”