Xú káʼnii gúʼtaraʼa ga̱jma̱a̱ carro chíʼgíʼ náa najthi i̱yi̱i̱ʼ

Rí muʼtáraʼa ga̱jma̱a̱ mesas o carro chíʼgíʼ náa najthi i̱yi̱i̱ʼ naʼni rí mbaʼin xa̱bu̱ maguanu muniʼnuʼ rí gajkhun (Juan 6:44). Ikha jngó nijuiʼthún bi̱ kuya̱ edxu̱u̱ rí muriyaʼ awan mu miʼtáraʼa náa nanújngun mbaʼin xa̱bu̱ náa rí kaʼyoo maʼtáraʼa congregación. Numuu dí carro chíʼgíʼ náa najthi i̱yi̱i̱ʼ ma̱ndoo mi̱dxu̱ʼ jchááʼ, ikha jngó na̱nguá má eyóoʼ mixtanda̱ʼa̱ permiso náa Xa̱bu̱ Ñajunʼ. Tsíin gándoo gúyambáá rá. Publicadores bi̱ nduyáá májánʼ xú káʼnii muni ga̱jma̱a̱ bi̱ májánʼ a̱jkiu̱ún ma̱ngaa bi̱ tséʼniún mingíjyúuʼ mutamijná gajmiún xa̱bu̱. Ge̱jyooʼ gúʼyáá tikhuu dí ma̱ndoo muʼni ga̱jma̱a̱ dí xándoo muʼni. Dí muni rígi̱ publicadores mambáñún dí mudxawíín itháan xa̱bu̱ náa nutaraʼa xúgi̱ kaʼnii.

Dí ma̱ndoo muʼni:

Gaʼni májánʼ a̱jkia̱nʼ ga̱jma̱a̱ araxtaa xawii mu maratamíjná gajmiáanʼ xa̱bu̱ bi̱ nanújngun. Atanduʼwá ma̱ngaa atraxi̱ín ga̱jma̱a̱ gamajkhu. Índo̱ mbáa nayexi náa wíji̱ carro chíʼgíʼ náa najthi i̱yi̱i̱ʼ, ma̱ndoo maratha̱a̱n: “Á mu nandaʼ, ma̱ndoo mayédxuʼ mbá i̱yi̱i̱ʼ”.
Xáñajún mijngii wéñuʼ asndu má xáñajún mitsínguánʼ wéñuʼ náa wíji̱ carro chíʼgíʼ náa najthi i̱yi̱i̱ʼ. Náa eʼwáʼ xuajen, publicadores nduyáá rí májánʼ mañajún mijngii, mú nguáná na̱nguá ñambáá wéñuʼ rígi̱. Mbáa itháan májánʼ gáʼni rí mañajún itháan mitsinguánʼ náa wíji̱ carro chíʼgíʼ náa najthi i̱yi̱i̱ʼ asndu índo̱ gákuʼmaminaʼ mbáa xa̱bu̱ mbaʼyoo i̱yi̱i̱ʼ dí rígá. Ikhú ma̱ndoo matraxi̱i̱: “Lá nitani̱ graxe̱ rúʼko̱ mbá miʼtsu ráʼ.”
Gajmaʼ Biblia índo̱ nandoo.
Á mu mbáa xa̱bu̱ nayéjkha̱ mbá i̱yi̱i̱ʼ rí najmulú mu muʼsngáa numuu Biblia, xó má libro Enseña, aratháán xú káʼnii nindxu̱u̱ rí nuʼsngáa numuu Biblia ga̱jma̱a̱ aratháán á mu nandoo ma̱ta̱ya̱a̱ ga̱jma̱ʼ mbóo video rí nagumbiʼyuu Náa numuu rí gíʼmaa muʼnigajmaa Biblia rá.
Índo̱ mbáa nandoo mbaʼyoo itháan, atanda̱ʼa̱ maʼtháanʼ xú káʼnii gándoo maratamíjná ga̱jma̱ʼ.

**Dí xándoo muʼni:**

Rí makiʼnán ga̱jma̱a̱ dí matani tsiakii rí mawiji̱ o rí mayéʼga i̱yi̱i̱ʼ xa̱bu̱ o rí matiewa̱a̱n wéñuʼ carro chíʼgíʼ náa najthi i̱yi̱i̱ʼ.
Rí i̱ndó mundxaʼwamíjna̱ rí muxná i̱yi̱i̱ʼ índo̱ nuʼtáraʼa xúgi̱ kaʼnii. Rí phú nandulúʼ nindxu̱u̱ dí mugíʼdi̱i̱ muʼsngáa numuu Biblia, ikha jngó gíʼmaa muʼni mbá tsiakii mugíʼdi̱i̱ muʼtámíjná gajmiúlú xa̱bu̱.
Rí xúniʼñáʼ makujmaa májánʼ carro chíʼgíʼ náa najthi i̱yi̱i̱ʼ o muʼtámíjná wéñuʼ gajmiúlú bi̱ kuajún ruʼtáraʼa. Á mu ndayóoʼ majmaʼ teléfono, itháan májánʼ gáʼni rí xáñajún mijngii náa wíji̱ carro chíʼgíʼ náa najthi i̱yi̱i̱ʼ.
Dí magiʼdaʼ gajmiáanʼ xa̱bu̱ bi̱ tsínigu̱nʼ ajngáa rí nuʼthá. Xí nakiʼníin me̱ndaʼkho, mbáa itháan májánʼ gáʼni rí mu̱ʼgua̱ kuʼyúlú i̱mba̱ níʼkhá carro chíʼgíʼ náa najthi i̱yi̱i̱ʼ.