Xú káʼnii maraxnaxí i̱yi̱i̱ʼ

Bi Nayejngoo 1 gu̱nʼ junio

“Kúwáanʼxu̱ ru̱thu̱u̱n xa̱bu̱ dí Biblia gíʼdoo wéñuʼ numuu. Mbaʼin xa̱bu̱ nuthi dí ciencia nasngájma dí Biblia tséʼthi mbájmbu. Mú ndiéjunʼ tatsaʼwáminaʼ ikháánʼ rá. Lá ma̱ndoo muʼnimbulúʼ náa Biblia ráʼ. [Atatsíñaʼ rí xa̱bu̱ mariʼña̱a̱.] Atayáá xkri̱da rígi̱ náa nasngájma rí Biblia naʼthí mbájmbu. [Atraxnuu Job 26:7.] Revista rígi̱ nasngájma dí Biblia nambánii ga̱jma̱a̱ dí ni̱jkha̱nú ndiʼyoo ciencia.”

Libro ndrígóʼ náa na̱ʼkha̱ raʼthí ga̱jma̱a̱ numuu Biblia

“Numuu dí narígá dí xkawiʼ náa escuela, náa televisión ga̱jma̱a̱ náa Internet, xú káʼnii gándoo gúʼsngúún muni dí májánʼ e̱jñu̱lú rá. [Atatsíñaʼ rí xa̱bu̱ mariʼña̱a̱.] Kúwáanʼxu̱ ru̱thu̱u̱n xa̱bu̱ bi̱ guáʼdiin e̱ji̱n dí muraxnuu Biblia gajmiún bi̱ kuwa náa guʼwún, lá natayáá náa numuu ráʼ. [Atraxnuu Salmo 1:2, 3.] Mbaʼa nuthu xa̱bu̱ nundxaʼwamíjná dí Biblia nindxu̱u̱ mbóo libro dí mingíjyúuʼ wéñuʼ, mú itháan náa e̱ji̱n majkhinʼ, mú raʼkháa xúʼko̱. Nanigu̱ʼ maniʼñúunʼ libro rígi̱ dí na̱ʼkha̱ raʼthí ga̱jma̱a̱ numuu Biblia dí mambáyaʼ matraxnuu gajmiáanʼ bi̱ kuwa náa guʼwáaʼ dí xáʼniala mingíjyúuʼ ga̱jma̱a̱ makru̱ʼu̱u̱n xúgínʼ.”