Xú káʼnii gájmulúʼ aʼwá dí nigixi̱i̱
1. Kuaʼdáá i̱yi̱i̱ʼ dí nigumaa imprimir, mú ndiéjunʼ imbo̱o̱ kuaʼdáá rí ma̱ndoo mambáyulúʼ rá.
1 Ináa dí rígá náa Internet jw.org, nambáñun mbaʼin xa̱bu̱ muraxnuu i̱yi̱i̱ʼ dí ra̱ʼkhá tháán májánʼ ga̱jma̱a̱ dí naʼthí jmbu (Ecl. 12:10). Mú, lá nitadxawíín má aʼwá dí nigixi̱i̱ ráʼ. Mbaʼa i̱yi̱i̱ʼ dí rígá náa Internet rígá aʼwá ndrígóo. Xú káʼnii embáyuluʼ rá.
2. Xú káʼnii gándoo gájmulú aʼwá ndrígóo i̱yi̱i̱ʼ mu muʼnigajmaa ikháanʼ ga̱jma̱a̱ bi̱ kuwa náa guʼwúlú rá.
2 Mu matanigajmaa ikháánʼ ga̱jma̱a̱ bi̱ kuwa náa guʼwáaʼ. Rí muʼdxawíín aʼwá ndrígóo Biblia, revista o i̱ʼwáʼ i̱yi̱i̱ʼ índo̱ rígá náa na̱jkua̱ o índo̱ nuñajunʼ ma̱ndoo mambáyulúʼ majmulúʼ májánʼ mbiʼi ndrígúlú (Efes. 5:15, 16). Imbo̱o̱ ikha dí maʼni mixtiʼkhu índo̱ gúʼnigajmaa mbá guʼwáanʼ, nindxu̱u̱ rí mu̱ʼgua̱ ruʼyáá náa ejkha̱ ragixnuu índo̱ nawáán aʼwá ndrígóo i̱yi̱i̱ʼ. Ga̱jma̱a̱ índo̱ gúʼnigajmaa ndajkuáanʼ, aʼwá ndrígóo i̱yi̱i̱ʼ mambáyulúʼ muraxnuu itháan májánʼ ga̱jma̱a̱ á mu kuwáanʼ rajmañulú imbo̱o̱ ajngáa.
3. Xa̱bu̱ bi̱ nuxkamin náa nuʼtáraʼa, tsíin phú gándoo gambáñun aʼwá rí nigixi̱i̱ rá.
3 Majmulúʼ náa nuʼtáraʼa. Mbaʼin xa̱bu̱ bi̱ nuxkamin náa na̱jkua̱ gúʼtaraʼa nakumu̱ún dí tsíguapiin mu muraxnuu, mú mbáa manigu̱nʼ mudxawíín aʼwá dí nagixi̱i̱. Eʼwíínʼ nuthi i̱ʼwáʼ ajngáa ki xóo dí nuʼthá ikháanʼ ga̱jma̱a̱ mbáa itháan maʼndún mudxuun ajngáa ndrígóo Reino á mu nudxawíín náa ajngún (Hech. 2:6-8). Náa tikhuu xuajen gíʼdoo wéñuʼ numuu rí muxtiʼña mudxawíín. Mbá xkri̱da, náa xuajen hmong guáʼdáá costumbre dí xa̱bu̱ wanuu mutún historias e̱jñún, ga̱jma̱a̱ tséʼniún mingíjyúuʼ marmáʼáan a̱jkiu̱ún dí nudxuun. Náa mbaʼa xuajen dí rígá África, xa̱bu̱ nanigu̱nʼ mudxawíín historias.
4. Índo̱ gájmulúʼ aʼwá ndrígóo i̱yi̱i̱ʼ náa nuʼtáraʼa, ndiéjunʼ gíʼmaa muraxi̱mi̱jna̱ ginii rá.
4 Atatsaʼwáminaʼ náa territorio ndrígáʼ, lá májánʼ gáʼni dí matagrígu aʼwá rí nigixi̱i̱ mu xa̱bu̱ maʼdxaun náa ajngóo ráʼ. Lá natayáá tsáa gámbáyúu aʼwá ndrígóo i̱yi̱i̱ʼ rí nigixi̱i̱ mu muxuʼmá náa correo electrónico rá. Lá májánʼ gáʼni rí murígú aʼwá ndrígóo i̱yi̱i̱ʼ náa mbá disco compacto ga̱jma̱a̱ mbá i̱yi̱i̱ʼ mu muxná mbáa xa̱bu̱ bi̱ niniguʼ mbaʼyoo itháan rá. Mámbá libro, folleto, revista o tratado dí nuxná náa formato electrónico ma̱ndoo mugiʼma náa informe dí nuxnaxíi mámbá gu̱nʼ. Aʼwá ndrígóo i̱yi̱i̱ʼ na̱nguá niguma mu muʼnigajmaa ndajkuáanʼ, ma̱ngaa niguma mu eʼwíínʼ xa̱bu̱ maguánu muniʼnuʼ dí gajkhun (1 Cor. 3:6).