Najmaaʼ májánʼ audio ndrígóo Biblia ráʼ.

Ndiéjunʼ nindxu̱u̱ audio ndrígóo Biblia rá. Náa ináa ndrígóo Internet ndrígulú ga̱jma̱a̱ náa JW Library mataxkamaa audio ndrígióo Biblia Traducción del Nuevo Mundo rí nigumaa grabar náa ajngáa xtílóo ma̱ngaa xtáa ragumaa grabar mu magajnúu náa i̱ʼwáʼ ajngáa. Mbá dí mitsaanʼ wéñuuʼ nindxu̱u̱ dí nigumaa grabar, rí nijmiúún mixtiʼkuiin a̱ngiu̱lú mu xúʼko̱ muni̱i̱ grabar mixtiʼkhu aʼwá dí naʼthí mambáa xa̱bu̱ bi̱ na̱ʼkha̱ raʼthí ikhí. Ma̱ngaa índo̱ nagixnuu nuriʼkhuíí aʼwún ga̱jma̱a̱ nuthi xó má nikumu̱ún xa̱bu̱ bi̱ nikúwíin nákha wajyúuʼ.

Xú káʼnii gámbáyáaʼ á mu natadxawíín audio ndrígóo Biblia rá. Mbaʼin bi̱ nudxawíín audio ndrígóo Biblia nakumu̱ún dí asndu xóo ikhí kúwíin mangiin. Índo̱ nudxawíín dí mixtiʼkuiin ethi náa na̱jkha̱ ragixnuu nakru̱ʼu̱u̱n itháan májánʼ dí nirígá (Pr 4:5). Eʼwíinʼ nuthi dí índo̱ nudxawíín audio ndrígóo Biblia naʼni̱i̱ a̱jkiu̱ún índo̱ naxmiéjúúnʼ (Sl 94:19).

Dí muʼdxawíínlú audio ndrígóo Biblia ma̱ndoo mambáyulú wéñuuʼ (2Cr 34:19-21). Á mu rígá audio ndrígóo Biblia náa ajngáaʼ, atani̱ mbá tsiaki̱i̱ majmaaʼ májánʼ ga̱jma̱a̱ matadxawíín má xúʼko̱.

NDA̱WA̱Á RÍ NITAYÁÁ VIDEO XÓO GUMAA GRABAR: AUDIO NDRÍGÓ BIBLIA (MBÁ XUIʼTHÓO), ATRIʼÑA̱A̱ GRAXE̱ RÍGI̱:

Ndiéjuunʼ dí itháán nanigua̱a̱ʼ xóo eguma audio ndrígóo Biblia rá.