Náa naxtiʼña̱a̱ mbá graxe̱

◼ Nguáná gándoo gúniʼñááʼ ruʼsngáá ga̱jma̱a̱ numuu Biblia mbáa xa̱bu̱ rá.

Á mu bi̱ nuʼsngáá tséʼni xó má ejmañuu, mbaʼyóoʼ muʼthán ga̱jma̱a̱ gamajkhu dí ni xuʼsngáá ga̱jma̱a̱ numuu Biblia (Mat. 10:11). Atraxi̱mínáʼ: Lá naxtáa xawii ga̱jma̱a̱ naʼnimbánuu hora dí niguanúxuʼ ráʼ. Lá naʼni rataminaʼ wapháá xáʼ. Lá ni̱jkha̱ má mbá míʼtsú náa reunión xáʼ. Lá naʼthúún eʼwíínʼ dí xtáa rajmañuu xáʼ. Lá nariʼkhu̱u̱ rí xú káʼnii xtáa xó má eʼthí ikha dí na̱ʼkha̱ náa Biblia xáʼ. Ma̱ngaa gíʼmaa mbuʼyáá nguáthá nikhi̱i̱ ga̱jma̱a̱ á mu najmañuu nacha̱ o na̱nguá, ma̱ngaa gíʼmaa mbuʼyáá dí mámbáa ejmañuu mixtiʼkhu. Á mu nuniʼñáanʼ ruʼsngáá xa̱bu̱, guʼni dí maʼndoo maʼnigajmaa nda̱wa̱á (1 Tim. 2:4).