Guʼthúún xúgínʼ xa̱bu̱ bi̱ kuwa náa mijngii kuwáanʼ mu magún náa Conmemoración

Tsiguʼ rígi̱ campaña magi̱ʼdu̱u̱ 27 ñajunʼ gu̱nʼ febrero, ga̱jma̱a̱ muʼni xó má eʼngo̱o̱ mu muʼthúún mbaʼin xa̱bu̱ magún náa magumariyaʼ dí nikháñu Cristo. Makuwáanʼ xawii mu matangáanʼ gúʼñun bi̱ nindrigú invitación.

XÓO GÁNDOO GÚʼNI

ATANI XÓO EʼTHÍ PRESENTACIÓN

“Nanduxuʼ muta̱nʼ mi̱dxu̱ʼ náa magumariyaʼ mbá dí gíʼdoo wéñuʼ numuu. Mbiʼi 23 ñajunʼ gu̱nʼ marzo, mbaʼin wéñuʼ xa̱bu̱ xúgíʼ tsu̱du̱u̱ numbaaʼ magimbíin mu muniriyaaʼ mbiʼi dí nikháñu Jesucristo. Mixná mbá discurso dí tséxtuma dí nagájnuu náa Biblia náa naʼthí xóo embáyuluʼ dí nikháñu. Invitación rígi̱ naʼthí náa hora ga̱jma̱a̱ náa minaʼ gáʼni. Maniguxuʼ dí mi̱dxu̱ʼ”.

Á mu xa̱bu̱ nanigu̱u̱ʼ madxun:

• ARAXNÁXI REVISTA BI̱ NAYEJNGOO

  Ataniratháá a̱jkiu̱u̱n xa̱bu̱ mu matangaán imbo̱o̱ míʼtsú.

• ATASNGÁJMA VIDEO NDRÍGÓO CONMEMORACIÓN

  Ataniratháá a̱jkiu̱u̱n xa̱bu̱ mu matangaán imbo̱o̱ míʼtsú.

Índo̱ gatangaánʼ imbo̱o̱ míʼtsú:

• ATASNGÁJMA VIDEO NÁA NUMUU RÍ GÍʼMAA MUʼNIGAJMAA BIBLIA RÁ.

  Nda̱wa̱á araxnáxi mbóo i̱yi̱i̱ʼ dí najmulú mu musngáa ga̱jma̱a̱ numuu Biblia.

• ARAXNÁXI LIBRO NDIÉJUNʼ PHÚ EʼSNGÁA NÁA BIBLIA RÁ.

  Gajmaʼ dí na̱ʼkha̱ náa ináa 206 asndu 208 ndrígóo libro mu maratha̱a̱n xú káʼnii nindxu̱u̱ Conmemoración. Nda̱wa̱á, araxnáxi libro.

• ARAXNÁXI FOLLETO ATADXAWÍÍN DIÚU̱

  Gajmaʼ dí na̱ʼkha̱ náa ináa 18 ga̱jma̱a̱ 19 mu mbu̱ya̱a̱ xóo embáyuluʼ dí nikháñu Cristo. Nda̱wa̱á araxnáxi folleto.