Xú káʼnii gájma̱ʼ libro Dí naʼsngáa náa Biblia rá.

Libro What Can the Bible Teach Us? (xóó nda̱a̱ náa me̱ʼpha̱a̱) nambánii ga̱jma̱a̱ libro Dí naʼsngáa náa Biblia. Nájma̱ i̱yi̱i̱ʼ rígi̱ naʼsngáa ikhaa má. Mú náa libro rí nuxi̱ʼ, ku̱ma̱ ga̱jma̱a̱ rí naʼthí nindxu̱u̱ itháan ra̱mingíjyúuʼ. Niguma mu makru̱ʼu̱u̱n bi̱ naʼniún mingíjyúuʼ libro Dí naʼsngáa náa Biblia. Náa naguámbáa libro, tséʼkha̱ apéndice, ikhí na̱ʼkha̱ notas ga̱jma̱a̱ numuu tikhu ajngáa rí na̱ʼkha̱ náa libro. Náa capítulos tséʼkha̱ graxe̱ rí nagíʼdu̱u̱ ga̱jma̱a̱ kúgumaʼá. Ikhí na̱ʼkhá mbá chíʼgíʼ rí ni̱ʼkha̱ raʼthí náa xúgíʼ kutriga̱. Xó má libro Dí naʼsngáa náa Biblia, ma̱ngaa libro rígi̱ ma̱ndoo muxná asndu náa má mbi̱ʼi̱i̱, maski asndu kuwáanʼ ruxná imbo̱o̱ i̱yi̱i̱ʼ rí kaʼyoo gu̱nʼ. Xú káʼnii gándoo gajmulú rígi̱ mu muʼsngáa numuu Biblia rá.

RÍ NDIʼYÁÁ. Mbaʼin xa̱bu̱ ma̱ndoo munigajmaa xó má eguʼwúnlú eʼsngúún, xóo muʼthá muraxnuu kutriga̱ ndrígóo libro Rí naʼsngáa náa Biblia ga̱jma̱a̱ muʼniu̱u̱n graxe̱ rí tima ikhí. Mú, á mu xa̱bu̱ tsíjma̱ñuu májánʼ o tsíguxnuu májánʼ ajngáa rí najuiʼsngáá xá. Bi̱ naʼsngáa ma̱ndoo majmuu libro Rí naʼsngáa náa Biblia dí ra̱mingíjyúuʼ. Ma̱ndoo mbaʼyoo rí ndiʼyáá náa mámbá capítulo ga̱jma̱a̱ maxkaxi̱i̱ maguxnuu mbáwíi. Mámbá rí narasngáa ma̱ndoo mbajyúuʼ gu̱wa̱ʼ nítsu minutos. Náa rí ndiʼyáá na̱ʼkha̱ nguéjma̱ ajngáa ki xóo náa capítulos. Mbaʼyóoʼ maʼnigajmaa itháan bi̱ naʼsngáa náa kíxnuu ga̱jma̱a̱ mandxaʼwáminaʼ ga̱jma̱a̱ numuu bi̱ naʼsngóo. Ga̱jma̱a̱ á mu nunigajmaa kutriga̱ ndrígóo capítulo, bi̱ naʼsngáa ma̱ndoo majmuu náa naʼthí rí ndiʼyáá mu maʼni marmáʼáan a̱jkiu̱u̱n bi̱ niʼsngóo.

NOTAS NÁA NAʼTHÍ NDIÉJUNʼ EYOO GÁʼTHÚU̱N. Ajngáa rí na̱ʼkha̱ náa notas rígi̱ tima xó má e̱ʼkha̱ náa i̱yi̱i̱ʼ rígi̱. Bi̱ naʼsngáa ma̱ndoo maraʼwíí á mu mbuyáá notas índo̱ kuwa runigajmaa libro rígi̱.