Guniʼñáaʼ mbá kayuuʼ rí xóo nini̱ndxu̱lú nákha ginii ga̱jma̱a̱ guʼgíʼ muriʼkhumijná

3:5-14

Lá ndiyóoʼ matriʼkuminaʼ mbá nacha̱ rí xóo xtaa ratani̱ índo̱ nijmañaaʼ rí gajkhun ráʼ. Gajkhun rí Jeobá nidxuu wéñuʼ índo̱ ndiʼyoo tsiakii rí nitani̱ mu matriʼkuminaʼ (Eze 33:11). Ikha jngó, ndayóoʼ matani tsiakimínáʼ matani má xúʼko̱ rí májánʼ mu xúʼko̱ mataniʼñánʼ ratani̱ rí natani nákha ginii. Mu ma̱ndoo ma̱ta̱ya̱a̱ itháan xóo matani, atriʼña̱a̱ graxe̱ rígi̱:

• Lá nayexíi sia̱nʼ náa mbáa bi̱ niʼniuʼ dí raʼkhí ráʼ.

• Lá naʼngo̱o̱ a̱jkiu̱nʼ índo̱ nacho̱ʼ o índo̱ néʼngo̱ʼ ráʼ.

• Lá nani gaʼduunʼ mbá nacha̱ índo̱ nagua̱ʼa̱ rí mabo̱ʼ gajmuʼ mbáa ráʼ.

• Lá tsíyóʼ gáñu̱u̱n bi̱ nuthi i̱ʼwáʼ ajngáa ga̱jma̱a̱ bi̱ naguwáʼ náa i̱ʼwáʼ xuajen ráʼ.

• Lá nisngajmá rí ni̱ndxu̱ʼ mbáa bi̱ nikiʼnáa nacha̱ o mbáa bi̱ tséʼngo̱o̱ gágiʼthu̱u̱n ráʼ.