Gajmañaaʼ marataráʼa májánʼ: Aratarúʼún xa̱bu̱ bi̱ tsíkrui̱gu̱u̱n

NDÍJKHA RÍ GÍʼDOO NUMUU. Mbaʼin xa̱bu̱ bi̱ tsikruigu̱u̱n namiñun mutamijná gajmiún xa̱bu̱ bi̱ tséniʼniiʼ. Ikha jngó ndayóoʼ muʼni mbá tsiakii mu muʼtáruʼún. Jeobá nandoo kaʼñún xa̱bu̱ bi̱ tsíkruigu̱u̱n (Le 19:14). Ikha jngó ndayóoʼ mbuʼyaridáá Jeobá ga̱jma̱a̱ mbuʼñíinʼ xa̱bu̱ bi̱ tsékruigu̱u̱n mu mumbáʼñún muni nuwiinʼ ikhaa.

XÚ KAʼNII GÚʼNI

• Atañíinʼ (Mt 10:11). Lá natatsiniiʼ ikháán mbáa bi̱ tsékrui̱go̱o̱ ráʼ. Lá rígá escuela o mbá guʼwá rí nambáñún xa̱bu̱ bi̱ tsékrui̱gu̱u̱n náa kaʼyoo maʼtáraʼa congregación ndrígáaʼ, náa nandún majuixnún i̱yi̱i̱ʼ rí nagájnuu mu majmúún ikhiin xáʼ.

• Gaxmiéjuaanʼ xtañún. Á mu ikháán nindxa̱a̱ʼ májáanʼ xa̱bu̱ ga̱jma̱a̱ natasngájma rí naxmiéjuanʼ xtañún ma̱ndoo maʼni rí xa̱bu̱ maʼndún itháán rí mudxawaanʼ. Atagíʼdi̱i̱ maratamíjná ga̱jma̱ʼ xa̱bu̱ ga̱jma̱a̱ mbá tema rí manigu̱ʼ.

• Atambáñún muniʼniiʼ Jeobá. Xuajñuu Jeobá mbaʼa xóo niʼni mujúunʼ i̱yi̱i̱ʼ mu mambáñún xa̱bu̱ bi̱ tsékrui̱gu̱u̱n. Atraxi̱i̱ xa̱bu̱ xú káʼnii enigu̱u̱ʼ majmañuu. Superintendente ndrígóo servicio bi̱ xtáa náa congregación ndayóoʼ mbaʼyóoʼ rí ndxájulú bi̱ naxná i̱yi̱i̱ʼ manda̱ʼa̱ i̱yi̱i̱ʼ rí xa̱bu̱ bi̱ tsékrui̱go̱o̱ nandoo.