Ndiéjunʼ xtáá rani̱ mu ma̱ndoo majngúnʼ iyááʼ rá.
XÓO KUWÁANʼ BI̱ NI̱NDXU̱LÚ CRISTIANOS
Atraʼwíí matani ñajuunʼ Jeobá
Lá nindxa̱a̱ʼ mbáa publicador o xtaa ratanigajmaa Biblia ráʼ. Lá nitatsaʼwáminaʼ rí majnguáanʼ iyááʼ ráʼ. Náá numuu rí gíʼmaa matani rígi̱ rá. Numuu rí índo̱ nuxnaximíjná ga̱jma̱a̱ najngúlú iyááʼ ikhú nugi̱ʼdi̱i̱ nambáxulúʼ gajmiúlú Jeobá ga̱jma̱a̱ xúʼko̱ ma̱ndoo makáwáanʼ (Sl 91:1; 1Pe 3:21). Ndiéjunʼ gáʼyoo matani mu maraxnaxíminaʼ ga̱jma̱a̱ majnguáanʼ iyááʼ rá.
Ataniminaʼ ma̱ta̱ya̱a̱ dí rígi̱ nindxu̱u̱ gajkhun. Á mu naʼniaʼ gakhi̱i̱ ma̱ta̱ya̱a̱, atayáʼ dí ma̱ndoo mambáyaaʼ (Ro 12:2). Lá ndayóoʼ matriʼkuminaʼ ráʼ. Á mu xúʼko̱, atani ga̱jma̱a̱ mbá numuu májánʼ, xóo rí matani gadxíí Jeobá (Pr 27:11; Ef 4:23, 24). Atanda̱ʼa̱a̱ Jeobá rí mambáyaaʼ, ga̱jma̱a̱ xátani a̱jma̱ a̱jkia̱a̱nʼ numuu rí ikhaa maxnáaʼ xi̱ʼ kaʼwu ndrígóo (1Pe 5:10, 11). Xánindxu̱u̱ ndíí tsiakii dí gátani, numuu rí nda̱a̱ imbo̱o̱ dí itháan gíʼdoo numuu ki xóo rí muʼni ñajuunʼ Jeobá (Sl 16:11).
NDA̱WA̱Á RÍ NITAYÁÁ VIDEO RÍ MAʼGA̱ KAÑÁN MAJNGUÁANʼ IYÁÁʼ, ATRIʼÑA̱A̱ GRAXE̱ RÍGI̱:
Ndiéjunʼ tsáʼkhá ndiyóoʼ maʼngu̱u̱n muraʼníí tikhun a̱ngiu̱lú, mu xúʼko̱ ma̱ndoo majngún iyááʼ rá.
Dí gáʼyoo matani mu maraʼdáá fe mu xúʼko̱ maraxnaxíminaʼ náa Jeobá rá.
Ndiéjunʼ nixkajxi̱i̱n mbaʼin mu majngún iyááʼ rá.
Xú káʼnii eʼni tsajkurámiinʼ Jeobá bi̱ nuraʼwíi muni ñajuunʼ rá.
Ndiéjunʼ eyoo gáʼthúu̱n dí maraxnaxíminaʼ ga̱jma̱a̱ rí manguáanʼ iyááʼ rá.