Guʼniratháá má xúʼko̱ ku̱ma̱ ndrígúlú

Xó má mbáa bi̱ naʼtsíin ndayóoʼ maʼni má xúʼko̱ ejercicio mu magiʼdoo tsiakii, ikhaa má kayuuʼ mangáanʼ ndayóoʼ muʼni ratháá má xúʼko̱ ku̱ma̱ ndrígúlú, mu xúʼko̱ makuwáánʼ xawii índo̱ gáʼyóoʼ muraʼwíí mbá rí muʼni (Heb 5:14). Maski asndu tséʼni má mingíjyúuʼ rí mbuʼyaridáá xóo eni̱ eʼwíinʼ, mu gíʼmaa muʼniratamijnálú ikháanʼ mu mbuʼyáá xóo mundxaʼwamíjna̱ ga̱jma̱a̱ rí mbuʼyáá dí gúraʼwíí muʼni. Náá numuu rá. Numuu rí mambáa gaxnájxíi cuenta ga̱jma̱a̱ rí naraʼwíí maʼni (Ro 14:12).

Ragíʼmaa mundxaʼwamíjna̱ dí xúgíʼ rí gúraʼwíí muʼni magajnúu májánʼ numuu rí mbayuuʼ má kuwáánʼ náa xuajñuu Jeobá. Mu xúgíʼ dí gúraʼwíí muʼni magajnúu májánʼ ndayóoʼ makumulú kuʼyáá kájxi̱ Jeobá ga̱jma̱a̱ Ajngá rawuunʼ ma̱ngaa xuajñuu (Jos 1:7, 8; Pr 3:5, 6; Mt 24:45).

NDA̱WA̱Á RÍ NITAYÁÁ VIDEO “ARAʼDÁÁ MBÁ MÁJÁNʼ KU̱MA̱”, ATRIʼÑA̱A̱ GRAXE̱ RÍGI̱:

• 

  Ndiéjunʼ rí ndiyóoʼ maraʼwíí maʼni Emma rá.

• 

  Náá numuu dí ragíʼmaa muʼthán mbáa rí nakumulú, á mu ku̱ma̱ ndrígóo naniñuuʼ maʼni xáʼ.

• 

  Ndiéjunʼ consejo nixnáá xa̱bu̱ gajmii Emma rá.

• 

  Náá minaaʼ nixkamaa Emma rí mambáyúu rá.