Gumbaʼñún bi̱ nuʼsngúún magún reunión

Rí mu̱ʼgua̱ reunión nindxu̱u̱ mbá rí xóo nduʼyamajkuíí Jeobá (Sl 22:22). Xúgíinʼ bi̱ nagún reunión mu mbuyamajkuíí Jeobá nakúwá gagi ga̱jma̱a̱ mbaʼa xóo eguma tsajkurámiinʼ (Sl 65:4). Índo̱ nagún reunión xúgíʼ xmáná bi̱ ndiʼkhún enigajmaa̱, tséjyúu ejmañún.

Xú káʼnii gándoo matambáyíí mbáa bi̱ narasngáá maʼga̱ reunión rá. Aratháán má xúʼko̱ rí maʼga̱. Atasngájmáá video Káʼnii erígá náa Guʼwá nagimbáanʼ rá. Ga̱jma̱a̱ aratháán ndiéjunʼ gámbáyúu á mu na̱jkha̱ (lff kíxnuu 10). Ma̱ndoo maratha̱a̱n mbá dí ikháán nijmañaaʼ náa reunión o ma̱ndoo maratha̱a̱n ndiéjunʼ guʼyáá náa i̱mba̱ reunión. Araxnáá bi̱ narasngáá i̱yi̱i̱ʼ nuxi̱ʼ rí majmaa ga̱jma̱a̱ atasngájmáá náa naʼthí “Reuniones” náa JW Library^®. Ma̱ndoo matani̱ i̱ʼwáʼ dí májánʼ ga̱jma̱a̱ numún, mbá xkri̱da xóo rí mi̱dxu̱ʼ xtiin reunión. Índo̱ gáʼga̱ timbá aʼphu̱ bi̱ nirasngáá, ma̱ta̱ya̱a̱ dí xúgíʼ tsiakii dí nitani̱ gíʼdoo numuu (1Co 14:24, 25).

NDA̱WA̱Á RÍ NITAYÁÁ VIDEO GUMBAʼÑÚN BI̱ NUʼSNGÚÚN MAGÚN REUNIÓN, ATRIʼÑA̱A̱ GRAXE̱ RÍGI:

• 

  Xú káʼnii niʼni Rita mu maʼthúu̱n Coral maʼga̱ reunión rá.

• 

  Ndíjkha rí nadxulú wéñuuʼ índo̱ na̱jkha̱ reunión mbáa bi̱ nuʼsngáá rá.

• 

  Xú káʼnii nikumu̱u̱ Coral índo̱ ni̱jkha̱ timbá aʼphu̱ reunión rá.