Guʼtá dí narígá mbiʼi xúgi̱ náa nuʼtáraʼa

Jesús nijmuu dí xtáa rarígá mu maʼsngáa rí itháan gíʼdoo numuu (Lu 13:1-5). Ikháánʼ ma̱ngaa ma̱ndoo majmaaʼ dí xtáa rarígá mbiʼi xúgi̱ mu mataxkajxi̱i̱ a̱jkiu̱ún xa̱bu̱ mudxawíín ajngóo Dios. Nda̱wa̱á dí gáratha̱a̱n xa̱bu̱ ga̱jma̱a̱ numuu rí naʼni mingíjyúuʼ makuwáanʼ o numuu mbá gamiéjunʼ, xkujndu ga̱jma̱a̱ numuu droga o i̱ʼwáʼ, ma̱ndoo matani̱i̱ graxe̱ rígi̱ mu mandxaʼwáminaʼ. Mbá xkri̱da: “Lá naku̱ma̱a̱ʼ ikháán rí maʼga̱nú mbóo mbiʼi mambáa xúgíʼ rígi̱ ráʼ.” O “xú káʼnii gambánuu rígi̱ ku̱ma̱a̱ ikháán rá.” Nda̱wa̱á atasngájmáá mbá versículo ndrígóo Biblia náa naʼthí ga̱jma̱a̱ numuu rígi̱. Á mu xa̱bu̱ nanigu̱u̱ʼ, atasngájmáá mbá video o mbá i̱yi̱i̱ʼ rí na̱ʼkha̱ náa caja ndrígóo herramientas mu muʼsngáa. Guʼnimíjna muʼgua̱nú náa a̱jkiu̱ún xa̱bu̱ ga̱jma̱a̱ gu̱ʼni̱ “xúgíʼ ga̱jma̱a̱ numuu ajngáa rí májánʼ” (1Co 9:22, 23).

Ndiéjuunʼ rí ma̱ndoo manigu̱u̱nʼ xa̱bu̱ bi̱ kúwá náa naʼtáraʼa congregación ndrígáaʼ rá.