Gajmañaaʼ marataráʼa májánʼ: Gaguʼwaanʼ

NDÍJKHA RÍ GÍʼDOO NUMUU. Bi̱ kaxtaʼwíin ga̱jma̱a̱ eʼwíínʼ mugu̱ nuthún xúgínʼ xa̱bu̱ rí maguwáʼ mu muwa̱a̱n “xúʼkhíin iyaʼ rí ndaʼya” (Ap 22:17). Iyaʼ rígi̱ nandoo gáʼthúu̱n xúgíʼ rí niʼni Jeobá mu maʼni káwíin xúgínʼ xa̱bu̱ bi̱ nunimbu̱ún, náa aʼkhá ga̱jma̱a̱ rí nakháñulú. Mu ma̱ndoo mumbáñún xa̱bu̱ ga̱jma̱a̱ rí kuwa runi ma̱ngaa rí nunimbu̱ún náa religión ndrígu̱ún, gíʼmaa rí muʼthúún “ajngáa májánʼ rí ndajyúuʼ kámuu” rí ma̱ndoo mambáñún muriʼkhu̱u̱ xóo kuwa (Ap 14:6).

XÚ KÁʼNII GÚʼNI

• Atraʼwíí mbá tema ga̱jma̱a̱ mbá texto ndrígóo Biblia rí maʼga̱nú asndu náa a̱jkiu̱u̱n xa̱bu̱ bi̱ gárataráʼa. Ma̱ndoo matraʼwíí náa na̱ʼkha̱ xkri̱da xóo marataráʼa o mbá rí ikháán nimbáyaʼ wéñuʼ. Náa biʼyaa tema o texto rí nayambáá wéñuʼ rá. Ndiéjunʼ nindxu̱u̱ noticia rí nuthi itháan xa̱bu̱ rí mbiʼi xúgi̱ rá. Náa biʼyaa tema rí nanigu̱u̱nʼ xa̱bekha rá. Ga̱jma̱a̱ ndiéjunʼ rí nanigu̱u̱nʼ gu̱ʼu̱ rá.

• Índo̱ garatamíjná gajmiáanʼ, atayáá xú káʼnii kuwa ga̱jma̱a̱ xóo eraximíjna̱a̱ xa̱bu̱ náa xtáa (2Co 6:3, 4).

• Gajmañaaʼ majmaʼ májánʼ i̱yu̱lúʼ ga̱jma̱a̱ videos rí na̱ʼkha̱ náa caja ndrígóo herramientas mu muʼsngáa, mu xúʼko̱ ma̱ndoo matasngajmáá xa̱bu̱ bi̱ naniguuʼ maʼdxun.

• Atrigú i̱yi̱i̱ʼ ga̱jma̱a̱ videos dí rígá náa ajngáa rí nuthi náa nadxuu gárataráʼa.

• Gaguʼwunlu muʼtámíjná gajmiúlú xa̱bu̱ rí naʼni maxmiéjúnʼ (1Co 9:19-23). Mbá xkri̱da, ndiéjunʼ gáratha̱a̱n xa̱bu̱ á mu nitadxuun rí nikháñuu mbáa bi̱ kaʼyoo rá.

NDA̱WA̱Á RÍ NITAYÁÁ VIDEO, ATRIʼÑA̱A̱ GRAXE̱ RÍGI̱:

• Náa biʼyaa tema nijmuu publicador mu magíʼdu̱u̱ maʼthúu̱n xa̱bu̱ rá.

• Ndiéjunʼ nigíʼnuu xa̱bu̱ rá.

• Náa biʼyaa texto rí ma̱ndoo majmuu mbiʼi rúʼko̱ ga̱jma̱a̱ náa numuu rá.

• Xú káʼnii tani mu xa̱bu̱ mudxawíín náa nadxuʼ gárataráʼa rá.