XÓO KUWÁANʼ BI̱ NI̱NDXU̱LÚ CRISTIANOS
Jeobá nambáyulú maʼngulú muraʼníí xkujndu
Náa iwáá mbiʼi dí kuwáanʼlu xugiáán nuraʼníí mbá dí naʼniulú gakhii. Nguáná naku̱mu̱lú dí asndu ní xáʼngulú itháán. Á mu nduʼyáaʼ má xúʼko̱ Jeobá mu mambáyúlú, gajkhun dí maʼngulú muraʼníí xkujndu dí itháán gakhii (Is 43:2, 4). Á mu dí ikháán xúgi̱ xtáa ratraʼníí mbóoʼ xkujndu, ndiéjunʼ gámbáyáaʼ mi̱dxu̱ʼ kanuu náa Jeobá rá.
Dí maratajkáan. Á mu nuʼtháán xúgíʼ dí kumulú Jeobá, ikhaa maxnúlú dí tsímáá ga̱jma̱a̱ tsiakii dí ndayúlú mu maʼngulú (Flp 4:6, 7; 1Te 5:17).
Dí mi̱dxu̱ʼ náa nagimbáánʼlú. Xúgi̱ ndayúlú itháán majmañulú numuu Dios ga̱jma̱a̱ tsiakii dí nuxnulú a̱ngiu̱lú náa nagimbáanʼ (Heb 10:24, 25). Índo̱ nuʼni ratamíjnalu májánʼ, na̱jkua̱lú ikhí ga̱jma̱a̱ nuʼni comentar xúʼko̱ eniʼñánʼ dí xi̱ʼ ndrígóo Jeobá mambáyulú (Ap 2:29).
Dí marataráʼa. Á mu nuʼni xúgíʼ xó má eʼngo̱o̱ mu muʼtáraʼa má xúʼko̱, rúʼko̱ gambáyúlú mu mundxaʼwamíjna̱ má xúʼko̱ dí májánʼ. Ma̱ngaa nambáyulú mu mambáxulu itháán májánʼ gajmiún a̱ngiu̱lú jma̱a̱ Jeobá numuu dí nuñajunʼ mbríguu (1Co 3:5-10).
NDA̱WA̱Á RÍ NITAYÁÁ VIDEO JEOBÁ MÁ GÁÑEWAANʼ, ATRIʼÑA̱A̱ GRAXE̱ RÍGI:
Ndiéjunʼ nimbáyúu Malu mu maxtáa mijngii má xúʼko̱ náa Jeobá rá.
Xó má Malu, xú káʼnii eʼni maʼnii a̱jkiu̱lú mangáanʼ Salmo 34:18 rá.
Xú káʼnii esngájmulu dí nimbáyúu Malu dí Jeobá naxnulú “tsiakii dí itháan mba̱a̱ ki xóo dí gíʼdoo mbáa xa̱bu̱” índo̱ nuraʼníí mbá xkujndu gakhii rá. (2Co 4:7).