XÓO MUʼNIGAJMAA ITHÁÁN MÁJÁNʼ
Gagida̱ʼ edxa̱a̱ʼ “ajmúú ndrígóo reino”
Rígi̱ niʼthí ndxájulú Lorraine bi̱ na̱ʼkha̱ náa estados unidos: “Índo̱ xtáá ngíná, ikhú Jeobá naxnuʼ tsiaki̱i̱ ga̱jma̱a̱ ajmúú ndrígóo JW Broadcasting®”
Bi̱ nindxu̱lú Cristianos nuʼni má xúʼko̱ ajmúú mu muʼni mba̱a̱ Jeobá (Col. 3:16). Atagidáʼ edxa̱a̱ʼ ajmúú, rúʼko̱ gámbáyáaʼ índo̱ na̱nguá jchá cancionero ndrígáaʼ o celular. Gi̱i̱ na̱ʼkha̱ tikhuʼ rí ma̱ndoo mambáyáaʼ. Ndíjkha rí tsétani̱ rá.
Atriyaʼ mbiʼi mu majmañaaʼ letroo ajmúú ga̱jma̱a̱ gakrua̱ʼa̱aa̱. Índo̱ nakru̱ʼu̱lú mbá, tséʼniulú mingíjyúuʼ marmáʼáan a̱jkiu̱lú. Náa jw.org kuaʼdáá mbaʼa letroo ajmúú ga̱jma̱a̱ asndu náa JW Broadcasting ma̱ngaa rígá ajmúú dí muni̱ e̱ji̱n. Mu mataxkamaa ayuʼ náa “Biblioteca” ga̱jma̱a̱ nda̱wa̱á náa “Ajmúú”.
Ataniraʼmáʼ náa mbá i̱yi̱i̱ʼ. Rúʼko̱ gámbáyáaʼ mu magida̱ʼ edxa̱a̱ʼ (Deut. 17:18).
Atanirataminaʼ ga̱jma̱a̱ mbá aʼwá gakhi̱i̱. Atraxnuu letroo o atani̱ ajmúú mbaʼa nuthu.
Atagíminaʼ rí magida̱ʼ edxa̱a̱ʼ. Ataniminaʼ rí xátraxnuu ga̱jma̱a̱ xáta̱ya̱a̱ náa iyaaʼ, nda̱wa̱á dí nitani̱ xúʼko̱, ikhú atayáá xóo nitani̱ ajmúú.