Atanga̱án ma̱ta̱ya̱a̱ dí nagájnuriyo̱o̱ʼ

Índo̱ naguámbáaʼ ratanigajma̱a̱, lá naʼniaaʼ gakhi̱i̱ marmáʼáan a̱jkia̱a̱nʼ dí nitayáá ráʼ. Mbaʼáánʼ nugíʼníí xígi̱ kaʼnii. Ndiéjunʼ gándoo gámbáyulú rá. Rí matanga̱án mbuʼyáá dí itháan nagájnuriyo̱o̱ʼ.

Índo̱ xtaa ratanigajma̱a̱, ariejún mbá xngaa ga̱jma̱a̱ atatsaʼwáminaʼ dí xtaa ratanigajma̱a̱. Ikhaa rígi̱ dí apóstol Pablo niʼthún muni̱ a̱ngiu̱lú índo̱ kúwá ruraxnuu i̱yi̱i̱ʼ dí ikhaa niʼnirámáʼ. Niʼthún: “Rígi̱ nindxu̱u̱ rí phú nandulú gúʼthá” (Heb. 8:1). Ajngáa rígi̱ niʼni dí a̱ngiu̱lú mundxaʼwamíjna̱ náa dí kúwá ruraxnuu ga̱jma̱a̱ dí makru̱ʼu̱u̱n ndiéjunʼ eyoo gáʼthí.

Mámbá índo̱ gátanigajma̱a̱, ariejún mbá xngaa o gajmaaʼ 10 minuto nda̱wa̱á dí niguámbáaʼ nitraxnuu mu matatsaʼwamínáʼ náa dí itháan nigájnuriyo̱o̱ʼ náa dí nijmañaaʼ. Á mu dí tsérmáʼáan a̱jkia̱a̱nʼ, ma̱ndoo matanga̱án matraxnuu subtítulo o náa nagi̱ʼdu̱u̱ mámbá kutriga̱. Á mu rígá mbá nuxi̱ʼ dí nijmañaaʼ, ataniminaʼ marata̱ xó má niʼngo̱o̱ nikrua̱ʼa̱a̱ʼ. Á mu ikháán natanga̱án natayáá dí itháan nagájnuriyo̱o̱ʼ, mambáyáaʼ marmáʼáan a̱jkia̱a̱nʼ dí nijmañaaʼ, raʼkháa i̱ndó rúʼko̱, ma̱ngaa mambáyáaʼ ma̱ta̱ya̱a̱ xóo gátaʼgíʼ matani̱ dí nijmañaaʼ náa vida ndrígáaʼ.