Gajmaaʼ májánʼ xtiʼkhuu mu matanigajma̱a̱

I̱yi̱i̱ʼ ndrígulú gíʼdoo mbaʼa wéñuuʼ xtiʼkhuu rí mambáyulú marmáʼáan a̱jkiu̱lú dí gíʼdoo numuu. Xú káʼnii gándoo gájmulúʼ májánʼ índo̱ gúʼnigajma̱a̱ rá.

• Nákha xóó tsétagíʼdi̱i̱ matraxnuu, ginii atayáá xtiʼkhuu rí na̱ʼkha̱ ikhí. Mbáa rígi̱ gáʼni dí manigua̱a̱ʼ matraxnuu dí na̱ʼkha̱ raʼthí ikhí, xóo erígá índo̱ nanigua̱a̱ʼ miʼtsu mbá ganitsu numuu dí miʼtsí ekujmaa. Ikha jngóo mámbá índo̱ gátagíʼdi̱i̱ matraxnuu, atrajximinaʼ: “Ndiéjunʼ eyoo náa xtiʼkhuu rá.” (Amós 7:​7, 8.)

• Índo̱ xtaa ratraxnuu, atatsaʼwáminaʼ náá numuu kamaa xtiʼkhuu rúʼko̱. Atraxnuu dí na̱ʼkha̱ raʼthí náa a̱goo xtiʼkhuu ga̱jma̱a̱ rí naʼthí ga̱jma̱a̱ numuu. Atatsaʼwáminaʼ xú káʼnii embríguíʼ xtiʼkhuu ga̱jma̱a̱ rí kayá edxu̱u̱ artículo ma̱ngaa ndiéjunʼ ejmañaaʼ náa xtiʼkhuu.

• Índo̱ gáguámbáaʼ ratraxnuu gajmaaʼ xtiʼkhuu mu marmáʼáan a̱jkia̱a̱nʼ ndiéjunʼ rí itháán gíʼdoo numuu náa artículo rúʼko̱. Atruguáá idaaʼ ga̱jma̱a̱ ataniminaʼ marmáʼáan a̱jkia̱a̱nʼ ndiéjunʼ nikujmaa náa xtiʼkhuu ga̱jma̱a̱ ndiéjunʼ nijmañaaʼ ikhí.

• Atanga̱án matayaa xtiʼkhuu rí ni̱ʼkha̱ náa revista rígi̱ ga̱jma̱a̱ atayáá á mu marmáʼáan a̱jkia̱a̱nʼ ndiéjunʼ nijmañaaʼ ikhí.