Jesucristo ma̱ꞌne rí ná xáríga̱ tsingíná

Nákhí nixtáa ná tsu̱du̱u̱ ju̱ba̱ꞌ, Jesús nisngájma rí maphú nandoo̱ jaꞌñúú xa̱bo̱, i̱wa̱á ndiyoo̱ jaʼñúú xa̱bo̱ tsí ngíní numíni̱í (Mateo 9:36). Nixnáxe̱ mine̱ꞌ ma̱ja̱ñúu ga̱jma̱á numúú xa̱bo̱ (Mateo 20:28; Juan 15:13). Na̱ꞌkha̱ ra̱ngiyu̱u̱ má mbiꞌi rí mbu̱jú masngájmalóꞌ rí maphú nandoo̱ jaꞌyalóꞌ: ikhaa̱ ñajuun Xa̱bo̱ Ñajon tsí niꞌgíi̱ Ana̱ꞌlóꞌ, ikhaa jngó majmuu̱ tsiakhe̱ rí nijanáa neꞌne Ana̱ꞌlóꞌ ma̱ꞌnii̱ rí ná xáríga̱ tsingíná ná xúgíí numbaa.

Ajngáa mitsaan ríge̱ꞌ rí na̱ꞌkha̱ ná Ajngóo Ana̱ꞌlóꞌ naꞌthán rí ma̱ꞌne Jesús:

• “Ga̱ꞌne jríñii̱ xa̱bo̱ xuajen tsí nuxrígú mijná, jamí ga̱ꞌne jríñii mangiin i̱ji̱ín xa̱bo̱ tsí ngíníi” (Salmo 72:4).

Xáne gúsnga̱jmalóꞌ rí nu̱ꞌxnáálóꞌ dínuma̱a Jesús ga̱jma̱á numuu rí niꞌnii̱ jamí mangaa rí ma̱ꞌnii ga̱jma̱á numalóꞌ rá. Mbá rí ma̱goo mu̱ꞌne̱lóꞌ ikhaa ne̱ ñajuun rí mu̱ꞌne̱ gajma̱a̱ló’ i̱wa̱á xóó numuu Ajngáa máján noxe̱ꞌ rí naꞌthán numuu Xa̱bo̱ ñajun tsí niꞌgíi̱ Ana̱ꞌlóꞌ, ikhaa rúꞌkhue̱n ñajuun ajngáa rí niꞌthán raꞌa Jesús (Lucas 4:43). Araxnuu artículo rí na’thán “¿Qué es el Reino de Dios?”.