Ezequiel

30 Nigruígú mbu̱júu̱ ajngóo Jeobá. Niʼthúnʼ: 2 “A̱ʼdióo xa̱biya̱, aratáríya̱ʼ. Aratá: ‹Rígi̱ dí naʼthí Tátá Jeobá bi̱ itháán mba̱a̱:

“Xígi̱ kaʼnii gágáwíinʼ a̱jkia̱la: ‹¡Phú ngíná, na̱ʼkha̱nú má mbiʼi!›.

 3 Numuu dí mbiʼi na̱ʼkha̱ mijngii, xúʼko̱, na̱ʼkha̱ mijngii mbiʼi ndrígóo Jeobá.

Mani̱ndxu̱u̱ mbá mbiʼi xóo índo̱ narígá du̱u̱n skuniʼ, mbá mbiʼi dí niraʼwíí mu maʼni mumíniiʼ xa̱bu̱ xuajin.

 6 Rígi̱ dí naʼthí Jeobá:

‹Magi̱ʼdu̱u̱ náa Migdol asndu náa Siene, mbá xúgíinʼ bi̱ kúwá náa xuajin makhañún ga̱jma̱a̱ espada, eʼthí Tátá Jeobá bi̱ itháán mba̱a̱. 7 Maʼga̱nú maguanáa itháan ki xóo i̱ʼwáʼ ku̱ba̱ʼ, ga̱jma̱a̱ xuajin dí rígá ikhí maguma gámbáa itháan ki xóo i̱ʼwáʼ xuajin dí rígá. 8 Ikhiin maguánú mbuyáá dí ikhúún nindxu̱ʼ Jeobá, índo̱ gágídóoʼ aguʼ mikha̱a̱ Egipto ga̱jma̱a̱ índo̱ gáni̱ gámbíin mbá xúgíinʼ bi̱ nimbájxu̱u̱ gajmíi̱n. 9 Mbiʼi rúʼko̱ makuʼmíin magún ga̱jma̱a̱ barco bi̱ magún kuñu̱u̱n ajngáa mu muni̱ dí mamiñún xa̱bu̱ Etiopía, bi̱ nakumu̱ún kuyamijná, ra̱ʼkhá tháán gámíñún índo̱ gáʼga̱nú mbiʼi dí maguma gámbáa Egipto, numuu dí mbiʼi rúʼko̱ gajkhun ma̱ʼkha̱nú›.

10 Rígi̱ dí naʼthí Tátá Jeobá bi̱ itháán mba̱a̱: ‹Majmiuʼ Nabucodonosor* rey ndrígóo Babilonia mu ma̱ni̱ gámbíin soldado bi̱ ra̱ʼkhá tháán mbaʼin bi̱ kúwá náa Egipto. 11 Ikhaa gajmíi̱n soldádiu̱u̱, bi̱ itháan xkawi̱i̱nʼ bi̱ kúwá náa majñu̱únʼ xa̱bu̱ xuajin maʼga gajmíi̱n mu muni̱ gámbáa xuajin. Murawíi espádu̱ún mu muxmijná gajmiún xa̱bu̱ Egipto ga̱jma̱a̱ muni̱ majtíin bi̱ nikháñún náa xuajin. 12 Margujndo̱o̱ʼ náa na̱jkha̱ kúʼúun iyaʼ Nilo ga̱jma̱a̱ ku̱ba̱ʼ maguanáa náa ñawúúnʼ xa̱bu̱ ra̱míjíinʼ. Ma̱ni̱ dí ku̱ba̱ʼ ga̱jma̱a̱ xúgíʼ dí rígá ikhí maguanáa ma̱ngaa mudrigúu xa̱bu̱ bi̱ naguwaáʼ. Ikhúún Jeobá, ni̱tha̱ rígi̱›.

13 Rígi̱ dí naʼthí Tátá Jeobá bi̱ itháán mba̱a̱: ‹Ma̱ni̱ gámbíin mangiin xándú xkawi̱i̱nʼ ga̱jma̱a̱ ma̱ni̱ gámbíin dioses bi̱ nda̱a̱ dí ejmiin bi̱ kúwá náa Nof.* Ni xáxtáa nimbáa príncipe* náa Egipto, ga̱jma̱a̱ ma̱ni̱ dí ra̱ʼkhá tháán gámíñún xa̱bu̱ bi̱ kúwá náa ku̱ba̱ʼ ndrígóo Egipto. 14 Ma̱ni̱ gámbíin bi̱ kúwá náa Patrós, magídóoʼ aguʼ mikha̱a̱ Zoan ga̱jma̱a̱ ma̱ni̱ dí mumíniiʼ bi̱ kúwá náa No.* 15 Maxidirámuuʼ dí nakásngañu̱ʼ náa Sin, xuajin dí nigiʼdoo tsiaki̱i̱* náa Egipto, ga̱jma̱a̱ ma̱ni̱ gámbáa xuajin No. 16 Magídóoʼ aguʼ mikha̱a̱ Egipto, xa̱bu̱ bi̱ kúwá náa Sin ra̱ʼkhá tháán gámíñún. Matu̱ʼu̱u̱n ga̱jma̱a̱ tsiaki̱i̱ náa No. ¡Mbiʼi gáguma gámbáa Nof! 17 Jiámá bi̱ kúwá náa On* ga̱jma̱a̱ náa Pibéset makhañún ga̱jma̱a̱ espada, mú xa̱bu̱ bi̱ gáguanún náa xuajin maʼga kiʼdiin. 18 Maʼni mikína náa Tehafnehés índo̱ gájkumíga̱ʼ yugo ndrígóo Egipto ikhí. Maʼga̱nú mambáa dí ra̱ʼkhá tháán eʼnimbamínáʼ, du̱u̱n maruguaduwi̱i̱n ga̱jma̱a̱ xa̱bu̱ bi̱ kúwá náa xuajin maʼga kiʼdiin. 19 Ma̱ni̱ dí mumíniiʼ xa̱bu̱ Egipto, ga̱jma̱a̱ ikhiin maguánú mbuyáá dí ikhúún nindxu̱ʼ Jeobá›”.

20 Tsiguʼ 11, índo̱ ndayáa timbá gu̱nʼ, dí maʼni juwan mbiʼi dí gu̱nʼ rúʼko̱, nigruígú ajngóo Jeobá. Niʼthúnʼ: 21 “A̱ʼdióo xa̱biya̱, ni̱jkumíga̱ʼ ñawúunʼ faraón, rey ndrígóo Egipto, xúmbraʼáá xtíin ñawúunʼ mu maʼni̱i̱ ni má xúmbraʼáá xtíin mu magiʼdoo tsiaki̱i̱ maguajtuun espada”.

22 “Ikha jngóo, rígi̱ dí naʼthí Tátá Jeobá bi̱ itháán mba̱a̱: ‹Gi̱i̱ xtáá mu maxmína̱ʼ ga̱jmu̱ʼ faraón, rey ndrígóo Egipto. Ma̱jkumíga̱ʼ ñawúunʼ dí májánʼ ga̱jma̱a̱ dí nijmiga̱ʼ má, mu xúʼko̱ ni xáʼngo̱o̱ gáguajtuun espada. 23 Ikhú ma̱ni̱ dí egipcios majuadríʼiin náa majñu̱únʼ xa̱bu̱ xuajin ga̱jma̱a̱ náa i̱ʼwáʼ xuajin. 24 Ma̱ni̱ dí magiʼdoo tsiaki̱i̱ ñawúunʼ rey ndrígóo Babilonia ga̱jma̱a̱ marajkuáa espádóʼ náa ñawúunʼ. Mú ma̱jkumíga̱ʼ ñawúunʼ faraón ga̱jma̱a̱ ikhaa maguwanʼ náa inuu rey ndrígóo Babilonia xóo eʼni mbáa xa̱bu̱ bi̱ na̱jkha̱ rakáñuu. 25 Ma̱ni̱ dí magiʼdoo tsiaki̱i̱ ñawúunʼ rey ndrígóo Babilonia, mú ñawúunʼ faraón majngrígú ni xágiʼdoo tsiaki̱i̱, ga̱jma̱a̱ ikhiin maguánú mbuyáá dí ikhúún nindxu̱ʼ Jeobá índo̱ gárajkuáa espádóʼ náa ñawúunʼ rey ndrígóo Babilonia ga̱jma̱a̱ majmuu mu magudíin xa̱bu̱ bi̱ kúwá náa Egipto. 26 Ma̱ni̱ dí egipcios majuadríʼiin náa majñu̱únʼ xa̱bu̱ xuajin ga̱jma̱a̱ náa i̱ʼwáʼ xuajin, ga̱jma̱a̱ ikhiin maguánú mbuyáá dí ikhúún nindxu̱ʼ Jeobá›”.