Kíxnuu 9

Tsíín lá bí nambáxu̱u̱n májánʼ gajmiún Dió

Jesukristo nindxu̱u̱ aʼdió Jeobá, bí nambáxu̱u̱ májánʼ wéñuʼ ga̱jma̱a̱ mangoo nandoo kaʼyo itháan. Nákha xó tse̱ʼkha̱ náa tsu̱du̱u̱ numbaa xóo mbáá xa̱biya̱, Jesús nixtáa mekuíí xóo mbáá ánkli giʼdo sieki̱i̱ (Juan 17:5). Nda̱wa̱á ni̱ʼkha̱ náa tsu̱du̱u̱ numbaa mú maʼsngúún xa̱bu̱ rí gajkhun ga̱jma̱a̱ numuu Dió (Juan 18:37). Mangoo, nixnáximinaʼ mú makawíín aʼkhá ga̱jma̱a̱ rí nakañun xúgínʼ xa̱bu̱ bí nunimbu̱u̱n (Romanos 6:23). Rí xúgi̱ náa Reino ndrigóó Dió Jesús nindxu̱u̱ Rey, Reino bugi xtáa mekuíí maʼni ku̱ba̱ʼ mitsaan (Ri huasjŋgajma Juan 19:16).

Mangin ánkli nambáxu̱u̱n májánʼ gajmiún Dió. Ánkli nangua nikuwa xó xa̱bu̱ numbaa náa tsu̱du̱u̱ ku̱ba̱ʼ. Nigumin mekuíí nákhi xóó tseʼni ku̱ba̱ʼ Dió (Job 38:4-7). Kuwa mbíʼín wéñuʼ ánkli (Ri huasjŋgajma Juan 5:11). Ánkli bí nambáxu̱u̱n májánʼ gajmiún Dió kuwa mekuíí nandun rí xa̱bu̱ maguanu ma̱jma̱ñún rí gajkhun ga̱jma̱a̱ numuu Jeobá (Ri huasjŋgajma Juan 14:6, 7).

Mangoo Dió giʼdiin bí nambáxu̱u̱ májánʼ gajmíín náa tsu̱du̱u̱ ku̱ba̱ʼ; nagumbiʼñún bí nutaraʼa numuu ikhaa. Mbáá xa̱bu̱ náa inu guʼwá ñajuinʼ naʼthi dí eninu̱ʼ ga̱jma̱a̱ numuu imba̱a̱. Bí nutaraʼa numuu Jeobá, nuti ga̱jma̱a̱ numuu Jeobá jma̱a̱ rí naʼthi maʼni numún eʼwíínʼ (Isaías 43:10). Xó má ánkli, bí nutaraʼa numuu Jeobá nandun mumbayááʼ ma̱jma̱ñaʼ rí gajkhun ga̱jma̱a̱ numuu Jeobá. Ikhíínʼ nandun rí mangáanʼ mambaxa̱ʼ májánʼ ga̱jma̱a̱ Dió.