Gajmañaaʼ marataráʼa májánʼ: Ataniratiin bi̱ narasngúún mu mutaraʼa

Ndíjkha rí gíʼdoo wéñuʼ numuu. Discípulos ndrígóo Jesús bi̱ nuxinʼ gíʼmaa dí majmañún munimbu̱u̱n xúgíʼ dí niʼthí, mbá dí ikhaa nindxu̱u̱, rí musngáa rí gajkhun (Mat. 28:19, 20). Mbaʼin bi̱ nuʼsngúún kuwa náa Najuiʼsngáa xú Mi̱ʼtháraʼa Májánʼ ga̱jma̱a̱ mbáa nutaruʼun bi̱ kuñún ga̱jma̱a̱ bi̱ nambáxu̱u̱n gajmiún. Mañúú gúyá dí gíʼdoo wéñuʼ numuu dí kuwa rajmañún. Ga̱jma̱a̱ índo̱ gákru̱ʼu̱n dí Jeobá nandoo dí xúgínʼ xa̱bu̱ mudxawíín ajngáa rí májánʼ, mbáa muthi dí nandún magajnún gútaraʼa, xúʼko̱ ekujmaa dí na̱jkha̱ rambáxu̱u̱n itháan gajmiún Dios (Rom. 10:13, 14). Nda̱wa̱á rí nijuiʼthún dí ma̱ndoo mutaraʼa gajmiún congregación, mbaʼyóoʼ miʼsngúún májánʼ mu xámiñun mutaraʼa (Luc. 6:40).

Xú káʼnii gúʼni:

Atambáyii publicador nuxi̱ʼ mu makhánúu i̱yi̱i̱ʼ rí ndayóoʼ majmuu náa maʼtáraʼa ga̱jma̱a̱ náa maʼsngáa numuu Biblia. Atasngájmáá xú káʼnii kajti i̱yi̱i̱ʼ náa murriáʼ ikháánʼ ga̱jma̱a̱ aratháán náa ejmaa i̱yi̱i̱ʼ rí xta̱.
Guraʼwíí nájmáanʼ mbóo presentación dí na̱ʼkha̱ náa Ñajunʼ rí Nuʼtáraʼa numuu Reino ga̱jma̱a̱ gunigajmaala. Ga̱jma̱la rí na̱ʼkha̱ raʼthí náa ináa 82 ndrígóo libro Benefíciese rí narígá náa nutaráʼa. Atambáyii bi̱ narasngáá mu maʼthí xó má eguʼun eʼthí. Atani marmáʼáan a̱jkiu̱u̱n dí gíʼdoo numuu maʼni kaʼwuminaʼ ga̱jma̱a̱ magíʼ májánʼ xtíñuu (2 Cor. 6:3, 4).
Raʼkháa i̱ndó ndayóoʼ marasngáá xú maʼtáraʼa. Atasngájmáá mbóo tarjeta ndrígóo territorio ga̱jma̱a̱ arasngáá xú káʼnii majmuu i̱yi̱i̱ʼ náa nagumaraʼmáʼ índo̱ nagún mámbá guʼwá. Ma̱ngaa aratháán ndiéjunʼ gaʼnirámáʼ índo̱ mbáa xa̱bu̱ nandoo maʼdxun itháan. Aratháán dí mata̱nga̱a̱ gáʼñun xa̱bu̱ (1 Cor. 3:6). Atasngájmáá xú káʼnii majmuu ináa jw.org ga̱jma̱a̱ folleto Buenas nuevas para gente de todas las naciones.
Gaʼngoo a̱jkia̱nʼ ga̱jma̱a̱ aratháán dí májánʼ xtáa raʼni (Prov. 25:11). Aratháán mbaʼyoo xú káʼnii tani ikháánʼ. Publicador nuxi̱ʼ xámbumuu dí ra̱ʼkhá tháán májánʼ nitambáyii ga̱jma̱a̱ dí xú káʼnii nanigua̱ʼ marataráʼa.

Atagíʼ matani rígi̱ rí mbá gu̱nʼ:

Aratáraʼa náa mámbá guʼwá ga̱jma̱ʼ bi̱ narasngáá ma̱ngaa ayuʼ ga̱jma̱ʼ gátañu̱u̱n xa̱bu̱ bi̱ nandún majmañún itháan ga̱jma̱a̱ numuu Biblia. Á mu na̱nguá xtaʼdaa mbáa xa̱bu̱ bi̱ narasngáá, aratháán mbáa publicador bi̱ nuxi̱ʼ mi̱dxu̱ʼ ga̱jma̱ʼ.