Xóo phú gíʼmaa ga̱jma̱a̱ rí maxkajxi̱i̱n

Lucas 1:3

RÍ NAGÁJNURIYOʼ: Gajmaaʼ ajngáa rí gajkhun mu mambáñún bi̱ kuwa rudxawanʼ mu makru̱ʼu̱u̱n ndiéjunʼ phú eyoo gáʼthi.

XÚ KAʼNII GÁTANI:

• Atayááʼ náa na̱ʼkha̱ raʼthí rí phú gajkhun. Gajmaaʼ Ajngá rawunʼ Dios mu maratha ga̱jma̱a̱ atraxnuu á mu nandoo. Á mu naʼthí ga̱jma̱a̱ numuu rí nuni científicos, rí narígá náa numbaaʼ, mbá rí naguaʼnii xa̱bu̱ o i̱ʼwáʼ rí narígá. Atayáá májánʼ rí gajkhun nindxu̱u̱ rí naʼthí ga̱jma̱a̱ rí ndiʼkhún nirígá.

• Gajmaaʼ májánʼ rí naʼthí. Índo̱ gárata mbá texto ndrígóo Biblia, atayáá rí e̱ʼkha̱ raʼthí, ajngáa rí phú itháan gíʼdoo numuu rí naʼthí náa Biblia ga̱jma̱a̱ i̱yi̱i̱ʼ rí naguwíi “ñumba tsi jmbi, tsi majan indxaʼhuaminaʼ” (Mat. 24:45). Á mu najmaʼ rí nuni eʼwíínʼ xa̱bu̱. Atayáá ndiéjunʼ phú e̱ʼkha̱ raʼthí ga̱jma̱a̱ ndiéjunʼ rí eyoo gáʼthi bi̱ niʼnirámáʼ.

• Atatsaʼwáminaʼ gajmiáanʼ bi̱ kuwa rudxawanʼ. Nda̱wa̱á rí nitraxnuu mbá texto ndrígóo Biblia ga̱jma̱a̱ naratá mbá ajngáa, atani mbá graxe̱ rí maxkajxi̱i̱n o arathá mbá xkri̱da mu bi̱ kuwa rudxawanʼ ma̱ndoo makru̱ʼu̱u̱n.