KÍXNUU 2

Arathá xóo phú ethi xa̱bu̱

2 Corintios 2:17

RÍ NAGÁJNURIYOʼ: Arathá kaʼwu, ga̱jma̱a̱ atani rí asndu xóo ikháánʼ xtaa xúʼko̱, ga̱jma̱a̱ atasngájma xóo ekumaʼ ga̱jma̱a̱ numuu tema rúʼko̱, mangiin bi̱ kuwa rudxawanʼ.

XÚ KAʼNII GÁTANI:

Aratájkáan ga̱jma̱a̱ atani̱rataminaʼ tsumáá. Aratakháñii Jeobá mu mambáyaʼ makruaʼaʼ rí na̱ʼkha̱ raʼthí náa ajngáa rúʼko̱, mu xárata i̱ndó rí naku̱ma̱ʼ ikháánʼ. Ataniratáá ku̱ma̱ ndrígáʼ mu maratha rí itháan gíʼdoo numuu dí e̱ʼkha̱. Arathá xóo ekruaʼaʼ ga̱jma̱a̱ xátraxnuu ma̱ngaa xárata kikháá rí naʼthí náa i̱yi̱i̱ʼ.

Á mu nandaʼ matraxnuu náa Biblia o náa i̱ʼwáʼ i̱yi̱i̱ʼ, atraxnuu wapháá mu magajnúu májánʼ. Á mu naʼthí ga̱jma̱a̱ numuu mbáa xa̱bu̱, arathá xóo phú eku̱mu̱u̱ xa̱bu̱ buʼko̱, mú xárata rí tséʼthi ikhí.
Agajnúu asndu náa a̱jkia̱nʼ rí gárata. Atatsaʼwáminaʼ náá numuu rí bi̱ kuwa ikhí ndayóoʼ mudxawíín ajngáa rígi̱. Atani ga̱jma̱a̱ numún ikhiin. Ikhú ma̱ta̱ya̱a̱ rí índo̱ nañajún májánʼ, ga̱jma̱a̱ rí natani ñawáanʼ ga̱jma̱a̱ xóo gákujmaa inaaʼ, rúʼko̱ gasngájma rí nindxa̱a̱ʼ xa̱bu̱ májáanʼ a̱jkiu̱u̱n náa ikhiin.

Xájngawaan ga̱jma̱a̱ rí xóo nutamijná xa̱bu̱ ga̱jma̱a̱ rí xóo naratámíjná gajmaaʼ bi̱ natatsiniiʼ má. Atani rí makru̱ʼu̱u̱n rí naratá, arathá ajngáa dí ramíʼskhoo xóo phú gíʼmaa, xó má kaʼnii ethi náa ajngáʼ.
Atañún bi̱ kuwa rudxawanʼ. Índo̱ gáʼyóóʼ matiexi̱ atañún bi̱ kuwa rudxawaanʼ, á mu tséyáá má dí raʼkhí náa xtaa. Índo̱ naraxná mbá discurso, atayáá mbégu̱ʼ mbáa xa̱bu̱ bi̱ xtáa ikhí, nda̱wa̱á atayáá imba̱a̱, raʼkháa rí mbó miʼtsu gátañu̱u̱n xúgínʼ o rí káaʼ mbanújngoo gatiexi̱ náa trigi̱i̱n.