Gajmaaʼ “tsiakii rí na̱ʼkha̱ náa Dios”

Xúgiáánʼ nanigulúʼ makuwáánʼ gajmiúlú a̱ngiu̱lú mu muxnámíjná tsiaki̱i̱. Mú xándoo mundrígú tsiaki̱i̱ i̱ndó numuu dí kuwáánʼ gajmiúlú a̱ngiu̱lú. Náa Biblia naʼthí dí ndayóoʼ muxnún tsiaki̱i̱ eʼwíinʼ ga̱jma̱a̱ rí muʼnilú dí fe ndrígu̱ún maʼni itháan gújkhúʼ (Rom. 1:​11, 12). Xú káʼnii gándoo gúʼni rá.

Araxnún tsiaki̱i̱ eʼwíinʼ ga̱jma̱a̱ dí naratá. Mbá xkri̱da, índo̱ gáraxna̱ comentario náa reunión, xárata̱ i̱ndó ga̱jma̱a̱ numaaʼ ikháán, aratá ga̱jma̱a̱ numuu Jeobá, dí naʼthí náa Ajngá rawuunʼ ma̱ngaa ga̱jma̱a̱ numún a̱ngiu̱lú. Ga̱jma̱a̱ índo̱ gáratamíjná gajmiáanʼ a̱ngiu̱lú, atayáá májánʼ dí gárata mu xúʼko̱ mambáñún maʼni gújkhúʼ fe ndrígu̱ún.

Araxnún tsiaki̱i̱ eʼwíinʼ ga̱jma̱a̱ dí natraʼwíí matani̱ ma̱ngaa dí natani̱. Mbá xkri̱da, mbáa nitraʼwíí matani̱ má xúʼko̱ kájxi̱ ñajuunʼ Jeobá maski ajndu naʼniaaʼ gakhi̱i̱. O mbáa nadxu̱ʼ reunión dí narígá ta̱pha̱ xmáná maski ajndu ra̱ʼkhá tháán xtaʼdáá ñajunʼ o xtaʼdáá mbá nandii mbi̱i̱ʼ.

Lá naraxnún tsiaki̱i̱ a̱ngiu̱lú ga̱jma̱a̱ dí xóo naratá o natani̱ ráʼ. Lá natayáʼ ikháán xóo mambáyaaʼ dí nuthi ga̱jma̱a̱ dí nuni̱ ikhiin xáʼ.