PAT 13

Wanem Yu Mas Mekem Po Meke God Api?

Stap prom meke ol badting. 1 Korint 6:9, 10

Sam ting God i eit—sambodi uda stil, o obamak spak, o smok nugudsmok, o pait, o prea po laia god o wosip ol lai god

Ip yumi labe Zeoba, yumi no go meke demting em eit.

Zeoba no wande yumi po stil, o spakap ane no smok nugudsmok o wase eniting laidat.

God i eite enibodi uda kile nadaman, oman uda kile pikinini insaid beli ane man uda slip wea man ane oman uda slip wea oman. God no wande yumi po soe gridiwei o po paite wananada.

Yumi mas no wosip ol laigod o meke samting wea ol nugudspirit.

Wen ert gobi Paradais, pipol uda meke nugudting no lau po stap ya.

Meke wanem i gud. Matiu 7:12

Sam ting dat meke God api – soe lab po wananada, spik wanem i tru, ane pogibe wananada

Ip yumi wande meke God api, wi mas trai po pole pasin blo em.

Soe lab ane gudpasin ane sere samting yu gad wea nadaman.

Yumi mas spik ane mekem wanem i tru.

Yumi mas gibe pipol nada sans, no kipe wail ane pogibe wananada.

Spik pipol baut Zeoba ane olgeda wei blo em. —Rom 10:13-15.