Wanem Taim Ert Go Kam Paradais?

Ol trabol tidei soe taim i klosap po Kingdom blo God po ruloba ert. Luk 21:10, 11; 2 Timoti 3:1-5

Baibol bin olredi sabe baut wanem go apen tidei. I bin spik pipol go mata tingbaut mani, pikinini nogo lisen po papa ane ama, pipol go gad rapwei ane wande obamak pati.

I go gad ol big ertseik, woa, ol pipol go anggre ane i go gad ol nugud sik ebriwea. Demting i kamtru nau.

Zizas spik ebriwea lo wold, pipol go lisenbaut gudniuz blo da Kingdom. —Matiu 24:14.

Kingdom go tekemaut ebri nugudting. 2 Pita 3:13

I klosap nau po Zeoba po distroi ebri nugudpipol.

Satana ane ol dem nugudeinzel go gede panisment.

God go seib enibodi uda lisen po em. Wold go wantaim kam niu ane nobodi go sabe prait, ane ebriwea ol pipol go lab ane tras wananada.