Wanem dem Baibol Stadi Lesen ol Zeoba Witnis i Gibem po Pipol?
Ol Witnis blo Zeoba wande soe yu wan mina gud wei po lan wanem Baibol i tis. Baibol stadi lesen blo mipla ken elpe yu po:
Kese apilaip
Kam pren blo God
Lan wanem Baibol promis go apen bambai
Lo dis peiz
Ip ai gri po meke Baibol stadi, mai tisa go pose mi po kam wan Zeoba Witnis a?
Ai bin stadi Baibol wea Zeoba Witnis bipo. Ken ai stadi gen?
Mas ai meke Baibol stadi wea tisa o yupla gad nada wei po mekem?
Wanem go apen wea wan Baibol stadi?
Tisa blo yu go eksplein po yu wanem insaid Baibol ane soe yu plenti dipren samting baut Baibol. Wen yu stadi dem Baibol lesen Kese Apilaip Poeba! wea i gad ol nais bidyo, yu go lan lelbet mo ebritaim, baut mesiz blo Baibol ane wiskain i ken elpe yu. Po lan mo, wase dis bidyo.
Ai nid po pei po da stadi a?
No. Ol Zeoba Witnis pole wiskain Zizas bin tok po em klostuman: “I pri, bikoz . . . yupla bin gedem po pri.” (Matiu 10:8) Ane, yu no nid po pei po dem stadi buk, wa, yu go gede Baibol ane da buk Kese Apilaip Poeba! po pri.
Aulong i tekem po meke dem stadi lesen?
I gad 60 lesen wea da Baibol stadi. I aptu yu aumas yu wande stadi, bat plenti nada pipol uda stadi, pil api po meke wan o mo lesen ebri wik.
Wiskain ai go statem?
1. Pilemaut da onlain pom. Mipla go yuze da inpomeisin blo yu, sole wan Zeoba Witnis ken bizit o ringap yu wase yu bin askem.
2. Wan Baibol tisa go ringap yu. Tisa blo yu go eksplein wanem go apen wea dis Baibol stadi ane ansa eni kwestin yu mait gad.
3. Yu ane Baibol tisa blo yu go meke plan po da stadi. Em ken mite yu po da stadi o ringap yu wea pon o bidyo, o sane leta o emeil po yu. Da stadi taim ken teke wan aua, o i ken gopo lelbet taim o molong, o wea aumas taim i rait po yu.
Ken ai kasa trai dem stadi lesen pas?
Wa. Po mekem, pilemaut da onlain pom. Wen da Baibol tisa go ringap yu, spik po em, yu kasa wande trai da stadi pas, po luk ip yu laikem. Da tisa go yuze da buklit Kese Apilaip Poeba! wea i gad 3 lesen, sole yu sabe ip yu go enzoi da stadi.
Ip ai gri po meke Baibol stadi, mai tisa go pose mi po kam wan Zeoba Witnis a?
No. Ol Witnis blo Zeoba lab po tise pipol baut Baibol, bat mipla neba pose enibodi po zoine rilizan blo mipla. Wi soe wanem da Baibol spik ane rispekt dat ol pipol gad da rait po suz wanem dempla wande bilib.—1 Pita 3:15
Ken ai yuze mai Baibol?
Wa, yu ken yuze eni Baibol yu wandem. Mipla laik po yuze da New World Translation Baibol bikoz i tok stret ane tru, bat wi sabe pipol olredi gad peibret Baibol blo dempla dat ol mait wande yuzem.
Ken ai aske pren o pamle po sidaun wea da stadi tu?
Wa. Yu ken aske pamle blo yu o eni pren yu wande inbait po kam.
Ai bin stadi Baibol wea Zeoba Witnis bipo. Ken ai stadi gen?
Wa. Yu mait enzoi da stadi mo nau, bikoz da Baibol stadi i seinz lelbet, sole i moizi po elpe pipol lo diskaintaim. Da stadi i dipren prom bipo, bikoz nau i gad plenti ol nais bidyo po wasem ane piksa po tingbaut.
Mas ai meke Baibol stadi wea tisa o yupla gad nada wei po mekem?
Wa. Plenti pipol gri i gud po lan wen tisa elpe dempla, bat sam pipol laik po stadi demplaselp wen ol stat. Gopo Samting po Yuzem lo Baibol Stadi peiz blo mipla wea i gad ol pri ting po elpe yu stadi Baibol. Dem samting ya mait go elpe yu:
Ol Baibol Bidyo. Dem sot bidyo lesen go eksplein ol impotant tising blo Baibol.
Gede Ansa Po Ol Kwestin Baut Baibol. Yu go ride samting wea i go ansa olkain dipren kwestin baut Baibol.
Gede Mining Blo Sam Baibol Skripsa. Paindaut mining blo sam Baibol Skripsa dat pipol lisenbaut.